Bas prokýrordyń mindetin atqarýshy Tımýr Táshimbaev Bolat Nazarbaevtyń qyzy Aqbota Nazarbaevamen baılanysty Almaty taýlaryndaǵy sel bógetine qatysty istiń qandaı bappen tergelip jatqanyn aıtty, dep habarlaıdy «Adyrna» tilshisi QazTAG-qa silteme jasap.
«Aqsaı bógeti boıynsha «TOLAGAI-2050» JShS merdigerlik uıymynyń 13 qyrkúıek 2023 jylǵy mindetterin tıisinshe oryndamaýyna baılanysty Tótenshe jaǵdaılar mınıstrligi «Qazseldenqorǵaý» MM-si «Aqsaı ózeni basseıninde seldi ustaıtyn bóget salý» jobasyn iske asyrýǵa arnalǵan shartty birjaqty tərtippen buzdy. 2024 jyldyń 6 sáýirinen bastap Almaty qalasy boıynsha ekonomıkalyq tergeý departamenti JShS basshylyǵyna qatysty Qylmystyq kodekstiń 189-babynyń 4-bóligi (senip tapsyrylǵan bóten múlikti asa iri mólsherde ıemdenip alý nemese talan-tarajǵa salý) boıynsha sotqa deıingi tergep-tekserýdi júrgizýde», - dedi Táshimbaev májilis depýtattarynyń saýalyna jaýap bere otyryp.
Eske salsaq, 12 sáýirde Tótenshe jaǵdaılar mınıstrligi Aqsaı basseınindegi bógetke qatysty jaǵdaıda Almatynyń 30 myńǵa jýyq turǵynynyń ómirine qaýip tónip turǵanyn jáne qylmystyq is qozǵalǵanyn habarlaǵan bolatyn. Sáýirdiń 13-i kúni QazTAG agenttigi Aqbota Nazarbaevamen baılanysty Aqsaı ózeninde sel ustaǵysh bóget salýy tıis «Tolaǵaı-2050» JShS-niń 170-ten astam memlekettik kelisimsharty bar ekenin, olardyń kópshiliginiń quny mıllıardtaǵan teńgeni quraıtynyn jazdy.
