Otandyq bizneske keltırılgen zalaldy öteu boiynşa alǧaşqy tölemder Qostanai oblysynan bastaldy.
Su basqan öŋırlerde jaǧdai tūraqtanyp keledı. Aldyn ala mälımetter boiynşa, bizneske keltırılgen zalaldyŋ jalpy somasy şamamen 27,1 mlrd teŋgenı qūraidy.
Qostanai oblysynyŋ özınde mülıktık şyǧyndy öteu üşın şamamen 50 biznes subektı ötınım qaldyrǧan. Sonyŋ ışınde ekı ötınım şaǧyn jäne orta käsıpkerlık subektılerıne keltırılgen mülıktık şyǧyndardyŋ ötemaqysyn aiqyndau jönındegı öŋırlık komissiianyŋ otyrysynda maqūldandy. Būl komissiia «Atameken» käsıpkerler palatasy janynan qūrylǧan.
Komissiia ökılderı «Syrlybaeva J.S.» jeke käsıpkerlıgı jäne «Dorofeeva J.S.» jeke käsıpkerlıgıne qatysty mülıktık şyǧyndardy tolyq kölemde öteu turaly bır auyzdan oŋ şeşım qabyldady.
«Su tasqyny menıŋ biznesıme zalal keltırdı. Bız makulaturany presteumen ainalysamyz. Men «Atameken» palatasyna jügınıp, kömekke qol jetkızdım. Ötemaqyǧa ötınış berdık, artyq sūraqtarsyz tolyq kölemde maqūldandy. Endı käsıbımızdı jalǧastyra alamyz», - deidı ötınım beruşı.
Aita ketu kerek, jaǧdaidy jan-jaqty qarau, sondai-aq yqtimal dauly oqiǧalardy boldyrmau üşın (şeşım nemese somamen kelıspeu) zardap şekken ötınış beruşıler öŋırlık komissiianyŋ är otyrysyna şaqyrylady.
Qalǧan biznes subektılerı Käsıpkerler palatasynyŋ Öŋırlık komissiiasyna ötınış beru üşın rastau qūjattamasyn daiyndap jatyr. Komissiia otyrystary ötınışterdıŋ kelıp tüsuıne qarai ötetın bolady. Qaǧidalarǧa säikes, aqşalai qarajat eger jetkılıktı qarjylandyru bolsa tiıstı şeşım qabyldanǧan künnen bastap on jūmys künı ışınde audarylady. Qarajat mülık iesınıŋ ötemaqy turaly ötınışınde körsetılgen aǧymdaǧy nemese jinaq şotyna audarylady.
Sonymen qatar, Qostanai oblysy su tasqynynan zardap şekken oŋtüstık öŋırlerdıŋ tūrǧyndaryna jan-jaqty kömek körsetuge belsendı atsalysyp jatyr.
