Batys Qazaqstan oblysynyŋ äkımı Nariman Töreǧaliev su tasqynynan zardap şekken Oral qalasyndaǧy saiajai uchaskelerınıŋ tūrǧyndarymen kezdestı.
Kezdesu barysynda tabiǧi apat saldarynan kelgen şyǧyndardy öteu mehanizmderıne qatysty saualdar köterıldı.
Oblys äkımı tūrǧyndarǧa öŋırde su tasqynynan zardap şekken tūrǧyndar tarapynan tuyndaityn qūqyqtyq mäseleler boiynşa arnaiy jedel top jūmys ısteitının jäne tūrǧyndardyŋ sol jūmys tobyna jeke dara jolyǧyp kömek aluǧa bolatynyn atap öttı.
«Tūrǧyndardyŋ ötınışı negızınde oblys boiynşa su tasqynynan zardap şekken 9 224 otbasyǧa 3,4 mlrd teŋge 100 ailyq eseptık körsetkış kölemınde äleumettık kömek berıldı. Endıgı kezekte,şyǧyndardy esepteu boiynşa komissiianyŋ qorytyndysyna säikes, 150 AEK kölemındegı tölemder jalǧasuda» - dedı Nariman Töreǧaliev.
Kezdesu barysynda oblys äkımı saiajaidaǧy üilerı jalǧyz baspana bolyp tabylatyn tūrǧyndarǧa zaŋ aiasynda üi berıletının atap öttı.
Jinalǧandardyŋ basym köpşılıgınıŋ saiajaidaǧy üilerı qūjat jüzınde jaqyn tuystaryna räsımdelgen, osyǧan bailanysty, olardyŋ attarynda tūrǧyn üi bolǧandyqtan ondai azamattardyŋ ötınışterı zaŋ şeŋberınde jeke-jeke qaralatynyn tüsındırdı.
Osylaişa, kezdesuge jinalǧan tūrǧyndardyŋ saualdaryna tiıstı jauaptar berıldı.
Atap öterlıgı, su tasqynynan zardap şekken tūrǧyndarǧa qūqyqtyq keŋes beretın jedel top – Oral qalasyndaǧy Azamattardy qabyldau ortalyǧynda jūmys ısteude (Saraişyq köşesı 47).
