Bügın Astana halyqaralyq universitetınde ÜEŪ ökılderı men äleumettık käsıpkerlerdı «Örelı ūrpaq» äleumettık käsıpkerlık mektebınde arnaiy kursta oqytu nätijelerı boiynşa äleumettık jobalar baiqauy öttı dep habarlaidy Adyrna.kz Ūlttyq portaly.
Üş ai boiy qatysuşylar Qazaqstan Respublikasyndaǧy äleumettık käsıpkerlık (bastamalar, jaǧdailar, täjıribeler), Qazaqstanda jäne älemdegı äleumettık käsıpkerlıktı qoldau şaralary, kreativtı oilau jäne äleumettık innovasiialar, qarjylyq aspektılerı, äleumettık biznes jäne äleumettık käsıporyndy basqaru siiaqty mäseleler boiynşa treningter öttı.
Trening qorytyndysy boiynşa mekteptıŋ üzdık qatysuşylary öz jobalaryn qazylar alqasyna ūsyndy. Üzdık jobalar aqşalai syilyqtarǧa ie boldy, olardyŋ tabys tarihy ÜEŪ akademiiasy jobasynyŋ äleumettık jelılerınde körsetıledı. Būl joba Azamattyq bastamalardy qoldau ortalyǧy men QR Mädeniet jäne aqparat ministrlıgınıŋ qoldauymen jüzege asyryluda. Törtınşı jyl Astana halyqaralyq universitetı būl baǧyttyŋ üilestıruşısı bolyp otyr. Osy uaqyt ışınde 600-den astam ÜEŪ ökılderı men äleumettık käsıpkerler oqudan ötıp, Mektep sertifikattaryn aldy. Osy jyldar ışınde äleumettık jobalar baiqauynyŋ 9 jeŋımpazy anyqtaldy.
2024 jyldyŋ jeŋımpazdary: Altynai Täŋırbergenova «Qaiyŋnyŋ qabyǧy arşylǧan şponnan innovasiialyq tehnologiia boiynşa qazaqtyŋ kiız üilerın jasau» - 1 oryn (200 myŋ teŋge), Madina Daniiarova «Ūlt qazynasy» etnikalyq kiım tıgu, mädeni mūrany, ūlttyq salt-dästürdı nasihattau boiynşa – 2 oryn (150 000 teŋge) jäne Marina Boşel «Bezı ısıgımen auyratyn äielderdıŋ ekologiialyq sauattylyǧyn jäne äleumettık beiımdeluın nasihattau» jobasymen – 3 oryn (100 000 teŋge) aldy.
Basqalarmen bölıse
otyryŋyz
