Jambyl oblysynyŋ prokuraturasy 700 mln teŋgeden astam biudjet qarajatynyŋ negızsız jūmsaluyn aldyn aldy, dep habarlaidy «Adyrna» tılşısı.
«Qordai audanynyŋ prokuraturasy biudjet zaŋnamasy salasynda jürgızgen taldau nätijesı boiynşa audan äkımdıgı qyzmetınde būzuşylyqtardy anyqtady.
Jergılıktı atqaruşy organ rastaityn qajettı qūjattarsyz jäne negızdemesız biudjettıŋ şyǧys bölıgıne 700 mln teŋgeden astam qarajatty engızgen.
Mysaly äkımdık şyǧys baǧanasyna su qūbyry liukterın ornatuǧa 67 mln teŋge qarajat qarastyrǧan. Alaida şyǧystyŋ osy baǧytynyŋ ekonomikalyq negızdemesı aiqyndalmaǧan»,—delıngen habarlamada.
Nätijesınde prokurorlyq qadaǧalau aktısımen 700 mln teŋgeden astam biudjet qarajatynyŋ jūmsaluy aldyn alyndy.
Zaŋ būzuşylyqtarǧa jol bergenı üşın 6 lauazymdy tūlǧa tärtıptık jauapkerşılıkke tartyldy.
