Elımızde su tasqynynan zardap şekken 717 otbasyǧa jaŋa üi men päter berıldı. Qazaqstan Ükımetı su tasqyny saldaryn joiu jäne zardap şekken azamattarǧa jan-jaqty kömek körsetu boiynşa jūmysty älı de jalǧastyruda, dep habarlaidy “Adyrna” ūlttyq portaly Ükımettıŋ baspasöz qyzmetıne sıltep.
”31 552 otbasy 100 AEK mölşerınde bırjolǧy tölem aldy. 717 otbasy qiraǧan baspanasynyŋ ornyna jaŋa üi men päterge ie boldy. Mäselen, Qostanai oblysynyŋ tūrǧyndaryna 298 üi/päter ūsynylsa, Aqmola oblysynda — 85, Aqtöbe oblysynda — 121, Soltüstık Qazaqstan oblysynda — 135, Batys Qazaqstan oblysynda — 70, Qaraǧandy oblysynda — 6, Pavlodar oblysynda — 2 jaŋa baspana berıldı. Zardap şekken tūrǧyndarǧa arnap şamamen 1 862 jaŋa üi salynyp jatyr” delıngen habarlamada.
Sondai-aq, 3 981 otbasy tūrǧyn üiın jöndeuge jäne qalpyna keltıruge dep ötemaqy alǧany aityldy.
5 066 otbasyna joǧalǧan asa qajettı dünie-mülkın satyp alu üşın 150 AEK mölşerınde qosymşa kömek körsetıldı.
Būdan basqa, zardap şekken 34 ŞOB subektısınıŋ jalpy somasy 377 mln teŋgelık şyǧyny öteldı. Barlyq oblysta öŋırlık jäne audandyq komissiialar jūmys ıstep jatyr. Şyǧyndardy öteu jäne qūjattardy tapsyru tärtıbın tüsındıru üşın 1432 nömırı boiynşa «Atameken» QR ŪKP «jedel jelısı» ıske qosylǧan.
Ūqsas jaŋalyqtar
