Memleket basşysy Qasym-Jomart Toqaev Kongo Respublikasy Prezidentınıŋ strategiialyq mäseleler jäne halyqaralyq yntymaqtastyq jönındegı jeke ökılı Fransuaza Jolidı qabyldady. Būl turaly Aqorda mälımdedı, dep habarlaidy “Adyrna” ūlttyq portaly.
Prezident Qasym-Jomart Toqaev Fransuaza Jolige ıltipat bıldıre otyryp, onyŋ būl sapary Qazaqstan men Kongo Respublikasy arasyndaǧy özara tiımdı bailanystardy damytuǧa degen şynaiy niettıŋ belgısı sanalatynyn atap öttı.
Memleket basşysy biyl elderımız diplomatiialyq qatynastardyŋ 25 jyldyǧyn atap ötetınıne toqtalyp, Kongo Respublikasymen yqpaldastyqty nyǧaituǧa daiyn ekenın aitty.
Fransuaza Joli qūrmet körsetkenı üşın Qasym-Jomart Toqaevqa alǧys bıldırıp, Prezident Deni Sassu-Ngessonyŋ ızgı tılegın jetkızdı.
Kezdesude Kongo Respublikasy Prezidentınıŋ Qazaqstanǧa jasaityn aldaǧy saparyna qatysty mäseleler, sondai-aq ekıjaqty yntymaqtastyqtyŋ perspektivtı baǧyttary talqylandy.Ūqsas jaŋalyqtar
