«Ötırıkşı». Aitbek Amangeldı Ertısbaevtan keşırım sūrauyn talap ettı

1870
Adyrna.kz Telegram
https://adyrna.kz/content/uploads/2024/06/photo-output-4.jpeg

Marqūm Saltanat Nükenovanyŋ aǧasy Aitbek Amangeldı 24 saǧat ışınde saiasatker, Qazaqstan halyqtyq partiiasynyŋ töraǧasy Ermūhamet Ertısbaevtan keşırım sūrauyn talap ettı, dep habarlaidy «Adyrna» tılşısı.

«Sızder üşın sensasiia emes şyǧar, bıraq Ertısbaev - ötırıkşı. Maǧan qatysty jalǧan aqparat taratqanym üşın qylmystyq ıs qozǧalǧany turaly mälımdemesın körgen bolarsyzdar.

Men IIM-ge jäne Bas prokuraturanyŋ Qūqyqtyq statistika jäne arnaiy esepke alu komitetınıŋ Astana qalasy boiynşa departamentıne sotqa deiıngı tırkelgen materialdar, maǧan qarsy qoldanystaǧy ötınışter turaly aqparat beru turaly sūrau tastadym. Jalpy būl ıs boiynşa prosessualdy märtebe bar-joǧyn bılgım keldı.  10 mausymda «arnaiy esepke alu» avtomattandyrylǧan aqparattyq jüiesınıŋ derekterıne säikes maǧan qatysty atalǧan sipattaǧy aqparat joq ekendıgı

turaly aqparat aldym. Eger Ertısbaevtyŋ aitqany ras bolsa, menı kem degende jauap aluǧa şaqyrtar edı»,—dedı ol.

Aitbek Amangeldı eks-ministrden jalǧan aqparat taratqany üşın resmi türde keşırım sūrauyn talap ettı. 

Ertısbaevtan jalǧan derektı taratqany üşın jariia türde ony terıske şyǧarudy jäne keşırım sūraudy talap etemın. Eger olai jasamasa,  onyŋ ıs-äreketterıne qatysty ar-namys pen qadır-qasiettı qorǧau turaly talap aryz jıberıledı. Sonymen qatar polisiiaǧa QR QK 274-baby boiynşa aryz jazyp, moraldyq ziiandy öteudı talap etemın. Ertısbaevtan 24 saǧattyŋ ışınde jauap kütemın»,—dedı ol.

Eske salaiyq, būǧan deiın Ermūhamet  Ertısbaev Aitbek Amangeldınıŋ üstınen qylmystyq ıs qozǧalǧanyn aitqan edı.

Pıkırler