Belgılı telejürgızuşı, jurnalist Dina Tölepbergen äiel taǧdyryna qatysty mäselelerge öz pıkırın bıldırdı, dep habarlaidy "Adyrna" ūlttyq portaly.
"Astarly aqiqat" baǧdarlamasynyŋ jürgızuşısı, jurnalist Dina Tölepbergen äleumettık jelıdegı paraqşasynda türlı pıkır tudyrǧan. Ol Instagram jelısındegı paraqşada qyz bala ien äieldıŋ taǧdyryna qatysty qanatty sözderı men türlı taqyrypta beineler jariialap jür. Sonyŋ bırınde telejürgızuşınıŋ "qyz balany jat-jūrttyq dep bölu - faşizm" degen pıkırı jelı qoldanuşylaryn dürlıktırdı.
«Äieldı ūru – qylmys. Būl bos ūran emes, būl endı zaŋ. Bız «qyz – jat-jūrttyq degen oidan jirenuımız kerek. Öz bauyryŋnan şyǧyp, toǧyz ai kötergen perzentıŋdı qyz bolǧany üşın «jat» dep jaqyndatpau – faşizm. Men ärbır ata-ananyŋ öz qyzyn jat emes, janym degenın qalaimyn. «Ūldyŋ mūrasy özımızde qalady, qyzdyŋ mūrasy qūdalarǧa barady» dep oilau qate! Ūl öz päterıne özı aqşa tapsa, ūtylmaidy. Al qyz üşın būl – qauıpsızdık alǧyşarty», - dep ol äleumettık jelıdegı paraqşasynda jazdy.Jelıdegı oqyrman Dina Tölepbergendı qoldasa, endıgı bırı qarsy pıkır jazyp qaldyrǧan. Aita keteiık, Dina Tölepbergen qyzdardy keş tūrmysqa şyǧuyn qoldaitynyn aityp, öz paraqşasynda jazba jariialaǧan edı.
