İslam damu bankı Qazaqstandaǧy infraqūrylymdyq jobalarǧa 2 mlrd dollarǧa deiın qarjy böledı, dep habarlaidy “Adyrna” ūlttyq portaly Premer-Ministrdıŋ baspasöz qyzmetıne sıltep.
“OPEC halyqaralyq damu qory ūiymdastyrǧan forumda Qazaqstan Respublikasy Premer-Ministrınıŋ orynbasary – ūlttyq ekonomika ministrı Nūrlan Baibazarov Arab koordinasiialyq tobyna kıretın islam damu instituttarymen bırqatar ekıjaqty kezdesuler ötkızdı. Sondai-aq, Qazaqstan Respublikasynyŋ Ükımetı men İslam damu bankı arasyndaǧy negızdemelık baǧdarlamalyq kelısımge qol qoidy. Kelısım biyl su şaruaşylyǧy jäne kölık salalaryndaǧy infraqūrylymdyq jobalardy jüzege asyru üşın ūzaqmerzımdı investisiialar tartu turaly būǧan deiın qol jetkızılgen kelısımderdı bekıttı. Osy maqsatta İslam damu bankı $2 mlrd deiın qarjy böledı” delıngen habarlamada.
Atap ötkendei, Su resurstary jäne irrigasiia ministrlıgı 2024 jyly qarjylandyruǧa daiyn 16 jobany daiyndaǧan. Olarǧa su qoimalaryn, bögetterdı, irrigasiialyq kanaldardy, kontrreguliatorlardy jäne olarmen bailanysty infraqūrylymdardy salu jäne qaita jaŋartu kıredı. Kölık ministrlıgı jalpy ūzyndyǧy 500 şaqyrymnan asatyn respublikalyq maŋyzy bar joldardy qaita jaŋǧyrtu jäne salu boiynşa tört jobany ūsyndy.
“Kelısım tabysty ıske asyru jäne alǧa qoiylǧan maqsattarǧa qol jetkızu üşın bırlesken jobalardyŋ oryndalu barysyna tūraqty konsultasiialar men monitoring jürgızudı közdeidı” delıngen resmi saitta.
Ūqsas jaŋalyqtar
