Qazaqstannyŋ astanasynda ötetın älem chempionatyna küresten äielder qūramasy daiyndyǧyn pysyqtap jatyr. Komandanyŋ jospary men daiyndyq barysy belgılı boldy. Būl jaily bas bapker Nūrlan Amanqosov aityp berdı.
- Bız qazır Nūr-Sūltan qalasynda oqu-jattyǧu jiynyndamyz. Özderıŋız bıletındei, byltyr elordada äielder küresı Akademiiasy aşylǧan bolatyn. Ai soŋyna deiın osy jerde jattyǧamyz. Sodan keiın Polşada ötetın "Vaslav Sialkovskii memorialyna" jol tartamyz. Varşavadan oralǧannan keiın bızdı ekı jiyn kütıp tūr. Onyŋ alǧaşqysyn 10-25 tamyz aralyǧynda Sochide Resei qūramasymen bırge ötkızemız. Al ekınşı jiynda erkın küres Akademiiasynda jattyǧyp, älem chempionatyna tyŋǧylyqty daiyndalamyz.
- Qazır tolyq qūramdy aita alasyz ba? Älem chempionatyna qoiylǧan maqsat qandai?
- Qūram 80% anyqtaldy deuge bolady. Ärine, bırneşe salmaq därejesınde el namysyn qorǧaityn baluandardy älı taŋdai almadyq. Polşadaǧy turnirden keiın, tamyzdyŋ basynda älem bırınşılıgıne baratyn sportşylardyŋ esımı anyqtalady dep oilaimyn. Maqsatqa keler bolsaq, älem chempionatyna qatysy bar resmi qyzmetkerlerdıŋ, bapkerler ştabyna, qyzdarǧa artylǧan jauapkerşılıktıŋ qandai ekenın bılesızder. Fizikalyq, funksionaldyq daiyndyqtan bölek, öz otanymyzdaǧy aituly dodada jaqsy küresu üşın psixologiialyq äzır boluymyz qajet. Uaqyttan ozyp, eşteŋe aita almaimyn. Bıraq, medal üşın küresetınımız anyq. Eŋ basty maqsat - Tokio Olimpiadasyna lisenziia alu. Osy jyldyŋ eŋ basty jarystaryna daiyndalu üşın barlyq jaǧynan qoldau bıldırgen Qazaqstan grek-rim, erkın jäne äielder küresı Federasiiasyna alǧysymdy bıldıremın.
Aita ketu kerek, erkın küresten Qazaqstan ūlttyq qūramasy da belsendı jattyǧu üstınde. Eske sala keteiık, Nūr-Sūltan qalasyndaǧy grek-rim, erkın jäne äielder küresınen älem chempionaty 14-22 qyrküiek aralyǧynda ötedı.
"Adyrna" ūlttyq portaly
