Resei prezidentı Vladimir Putin Astanada ötıp jatqan Şanhai yntymaqtastyq ūiymynyŋ (ŞYŪ) sammitıne keldı, dep habarlaidy “Adyrna” ūlttyq portaly Kremldıŋ baspasöz qyzmetıne sıltep.
«Resei prezidentı Qazaqstannyŋ elordasy Astanaǧa ŞYŪ-ǧa müşe memleketter basşylary keŋesınıŋ otyrysyna qatysu üşın keldı. 3-4 şıldede ŞYŪ-ǧa müşe elderdıŋ basşylary ūiym aiasyndaǧy köp qyrly yntymaqtastyqty odan ärı tereŋdetu jäne onyŋ qyzmetın jetıldırudıŋ jai-küiı men perspektivalaryn talqylaidy. Aǧymdaǧy halyqaralyq jäne öŋırlık mäseleler boiynşa pıkır almasu bolady. Kezdesu qorytyndysy boiynşa Astana deklarasiiasyna jäne basqa da bırlesken qūjattarǧa qol qoiylady», - delıngen särsenbı künı taratqan habarlamada.
Äuejaida Resei Federasiiasynyŋ prezidentı Vladimir Putindı Qazaqstan Respublikasynyŋ Premer-Ministrı Oljas Bektenov qarsy aldy.
Atap ötkendei, «ŞYŪ plius» formatynda kezdesu josparlanyp otyr, oǧan ŞYŪ-nyŋ baqylauşylary men dialogtyq serıktesterı, iaǧni memleketterdıŋ basşylary, halyqaralyq ūiymdardyŋ basşylary men qazaqstandyq töraǧalyq qonaqtary şaqyrylady.
«Astanada Resei Federasiiasynyŋ prezidentı sammitke qatysuşy memleket basşylarymen bırqatar maŋyzdy ekıjaqty kelıssözder ötkızudı de josparlap otyr», - delıngen habarlamada.
Eske sala keteiık, 2 şılde künı Astana qalasyna QHR töraǧasy Si Szinpin memlekettık saparmen kelgen bolatyn. Töraǧany äuejaidan memleket basşysy Qasym-Jomart Toqaev qarsy aldy.
Ūqsas jaŋalyqtar
