Astanada ötıp jatqan Şanhai yntymaqtastyq ūiymynyŋ (ŞYŪ) sammitıne Moŋǧoliia prezidentı Uhnaagiin Hurelsuh keldı, dep habarlaidy “Adyrna” ūlttyq portaly QR Premer-Ministrınıŋ baspasöz qyzmetıne sıltep.
«Moŋǧoliia prezidentı ŞYŪ sammitıne Astanaǧa ūşyp keldı. Uhnaagiin Hurelsuhty elorda äuejaiynda QR Premer-Ministrınıŋ orynbasary Ǧalymjan Qoişybaev kütıp aldy», - delıngen särsenbı künı taratqan habarlamada.
Moŋǧoliia prezidentı 3-4 şıldede Astanada ötetın ŞYŪ sammitıne qatysady.
«Moŋǧoliia 2004 jyly ŞYŪ-da baqylauşy märtebesın alǧan alǧaşqy memleket. Sodan keiın qauymdastyqtyŋ geografiialyq keŋeiuı oryn aldy, būl ŞYŪ-nyŋ halyqaralyq bedelınıŋ ösuınıŋ dälelı boldy», - delıngen habarlamada.
Ministrler kabinetınde atap ötılgendei, Qazaqstan-Moŋǧoliia yntymaqtastyǧy aiasynda dästürlı dostyq saiasi qarym-qatynastardan basqa, sauda-ekonomikalyq saladaǧy özara ıs-qimyl ekıjaqty yntymaqtastyqtyŋ berık negızı bolyp tabylady.
«2023 jyldyŋ qorytyndysy boiynşa ekıjaqty tauar ainalymy 2022 jylmen salystyrǧanda 27,7%-ǧa öskenın körsetıp, 133 mln dollardy qūrady», - dep tüsındırdı ükımet.
Ūqsas jaŋalyqtar
