Qyzdar köbıne özıne ūnaǧan jıgıtterdıŋ mınez-qūlqynda baiqalǧan ädetterdı aqtap aluǧa tyrysady. Alaida, olardyŋ keibırıne asa nazar audaryp, taldap, jönge kelmeitının aŋǧarǧan sätte qaşqan dūrys.
Spirttı ışımdıkke qūmartqan jan
Eger söz salyp jürgen jıgıt sızdı qoimai ışımdık ışetın jerge şaqyra berse, oilanyŋyz. Spirttı ışımdıkterge büiırı būryp tūratyn erkek sızdı de büldıruı mümkın.
Ne ıstese de jaqtyrmaityn adam
Ne ıstese de köŋılı tolmaityn erkekter bolady. Ärdaiym kigen kiımıŋızge söilese, künnıŋ tüskenınıŋ özıne aşulanyp, barǧan jerlerde daiarşyǧa mınezın körsetıp otyratyn adam bolsa, ary qarai qatynasty doǧarǧanyŋyz jön.
«Mamasynyŋ balasy»
Keibır er azamattan bır mın tappaisyŋ. Bıraq ärdaiym anasyna künıne 3 retten habarlasatyn, anasyna är basqan qadamyn jetkızetın adammen ömır baqi köŋıl jarastyra almaitynyŋyzdy tüsınıŋız.
Tazalyqqa jany qūmar
Eger jıgıtıŋızdıŋ üiınde ädetten tys tazalyq ornaǧanyn körseŋız, oilanyŋyz. Öitkenı, ol sızdıŋ är jasaǧan ısıŋızge aralasyp, ūsaq-tüiekke mazasyzdyq tanytatyn bolady. Sızde «tazalyq sindromy» paida bolady. Sol üşın uaiymdap, taǧy ne jaqpai qaldy, qai jerde şaŋ tūr degen uaiymmen erte qartaiyp ketuıŋız äbden mümkın.
Ūialy telefonyn qolynan tastamaityn adam
Telefonyn qaida barsa da qūşaqtap jüretın jıgıt bolaşaqta jar bolyp qatyrmaidy. Telefonynyŋ ekranyn tömen qaratyp qoiǧannyŋ özı köp närsenı jasyryp, syrttan ıs tyndyryp jürgen adamnyŋ äreketı. Ol telefonda otyrǧanda ortada tolyqqandy äŋgıme jürmeitını belgılı.
Bärıne kelıse beretın adam
Eger jıgıtıŋız sızdıŋ auzyŋyzdan şyqqan är sözdı maqūldai berse, ol adamnyŋ jeke oi-pıkırı mülde qalyptaspaǧan. Künderdıŋ künınde basyŋyzǧa ıs tüsken jaǧdaida ondai erkekten paida joq. Sızdı tyŋdaityn qūlaq tappai qinalatynyŋyz anyq.
Sondyqtan bolaşaq jar taŋdauda osy mınez-qūlyqtardy aŋǧaryp, dūrys taŋdau jasaǧanyŋyz jön.
"Adyrna" ūlttyq portaly
