Arystyqtar qalpyna keltıru jūmystarynyŋ dūrys jürgızılmegenın aityp aşyndy, dep habarlaidy "adyrna.kz" ūlttyq portaly KTK arnasyna sılteme jasap.
Asqar Maminnıŋ būiryǧy boiynşa Arystaǧy üiler 1 tamyzǧa deiın jöndeuden ötuı kerek bolatyn. Alaida, tūrǧyndardyŋ qaita qalpyna keltıru jūmystaryna köŋılderı tolmai otyr. Olardyŋ aituynşa qarajat bärıne jetken joq. Jetken künnıŋ özınde üidı tolyq jöndeuge tym az deidı.
"Eşqandai mümkındık joq. Maǧan "Kütkılerıŋız kelmese, özderıŋız adam jaldaŋyzdar" dep aitty. Qūrlysşylar maǧan 200 myŋ teŋge dep eseptep berdı. Ştabqa barǧanymda tek 80 myŋ bere alatyndaryn aitty. Al qalǧan aqşany qaidan alamyn. Bız järdemaqyǧa ǧana ömır sürıp jürmız", - deidı qala tūrǧyny Dinara Täşımbetova.
Sonymen qatar, qaladaǧy halyqtyŋ basym köpşılıgı tūrǧyn üilerın öz qarajattaryna jöndep jatyr. Al jaǧdai kelmeitın otbasylardyŋ baspanalary özgerıssız qiraǧan küiı tūr.
"Tıptı syrtqy esık pen tereze qoiatyn şamamyz joq. Mūndai jaǧdaida ömır sürudıŋ özı qorqynyşty. Bızdı bilık tastap kettı. Bıreulerdıŋ üilerın qalpyna keltırıp jatqanyn köresıŋ. Alaida, mūnyŋ bärı öz qarajatyna jasalyp jatyr eken", - deidı Alena Prostina.
Tıptı jöndeu jūmystary jürgızılıp jatsa da, köptegen olqylyqtar baiqalyp, qalai bolsa, solai jasalǧan qūrlys adamdardyŋ köŋılın könşıtpeidı. Olar balalarynyŋ qauıpsızdıgıne alaŋdap, ıstı öz qoldaryna alǧan.
"Üş ret komissiia keldı. Tek sylaimyz degen bolatyn. Qabyrǧalarǧa qaraŋyzdarşy jaryq ötıp tūr. Menıŋ alty balam bar, erteŋ olarǧa bırnärse bolsa kım jauap beredı. Maǧan mūndai jöndeu jūmystary kerek emes", - deidı Nūrlan Esımov.
Al ştabtaǧylar būl mäselenı özderınşe tüsınderdı. Olardyŋ aituynşa qarajat qana emes, qūrlys materialdary men mamandar da öte tapşy eken.
"Qarjylandyru ärine qiyn mäsele. Ekınşı ret qarjy tüsse, jūmys aldyǧa basady. Mamandardyŋ jetıspeuınen, jūmys satyly türde jüretın bolǧandyqtan kıdırıster bolyp jatyr. Sonymen qatar, qūrlys materialdary da jetkılıksız", - deidı Nūr-Sūltan ştabynyŋ ökılı Arujan Būǧybaeva.
"Adyrna" ūlttyq portaly