Türkıstan oblysynda boijetkennıŋ ölı denesı jıgıtınıŋ kölıgınen tabyldy, dep habarlaidy "Adyrna" ūlttyq portaly.
Sairam audany Aqsukent auylynda 19 jastaǧy boijetken jūmbaq jaǧdaida köz jūmdy. Qaiǧyly oqiǧa 30 mausym künı bolǧan.
Audan dükenderınıŋ bırınde satuşy bolyp jūmys ısteitın qyz keşkısın üiıne oralmaǧan. Kuägerler qyzdyŋ jūmysynan şyqqan soŋ jıgıtı kütıp alǧanyn aitady.
Dilmura Erginova üiıne sol küiı jete almaǧan.
Qyzyna alaŋdaǧan ata-ana boijetkennıŋ mūndai ädetı bolmaǧanyn aitady. Jıgıttıŋ otbasyna habarlasqan qyzdyŋ tuystary "ūlynyŋ üide ūiyqtap jatqanyn aityp, dauryqpaǧanyn" aitady.
Qaiǧyly oqiǧa bolǧan künı jıgıttıŋ ata-anasy toida bolǧan eken.
"Bızge tek tün ışınde habarlady. Qyzymyz sol üidegı garaj ışındegı kölıkten ölı küiınde otyr eken”,– deidı marqūmnyŋ tuǧan äpkesı.
Äkesı sol künı qyzyna qoŋyrau şalyp, bırde-bır jauap almaǧanyn aitady.
“Qyzymda ūialy telefonyn almai qoiu, habarlamaǧa jauap bermeu degen ädet eşqaşan bolmaǧan. Sodan sekem aldyq. 6 saǧat boiy smartfonyna habarlastyq. Ekı
Qyzdyŋ mäiıtın juuǧa kırgender boijetkennıŋ denesınde zorlyqtyŋ ızderı bolǧanyn aitady.
“Men mäiıttı juuǧa kırdım. Kuägermın. Auzyna qan tolyp qalǧan eken. Maŋdaiy da, betı de ısıp ketken. Jambasynda tıstıŋ ızı tūr. Qoly da, mūrny da synǧan. Sıŋlımız aryn saqtau üşın jantalasqan siiaqty”, – deidı marqūmnyŋ äpkesı Malahat Qūrbanalieva.Alaida saraptama nätijesınde qyz iıs tiıp jan tapsyrǧan delıngen. Student qyzdyŋ ölımı jūmbaq küiınde qalǧan. Küdıktı retınde qyzdyŋ körşı auylda tūratyn jıgıtı ūstalǧan.
Ǧaşyqtar bır-bırımen bır jyl boiy söz bailasyp jürgen. Tıptı jıgıt qyzǧa üilenudı de josparlaǧan körınedı.
