Erkın küresten Qazaqstan ūlttyq qūramasy öz elınde ötetın älem chempionatyna daiyndyq aiasynda Polşa astanasy Varşavaǧa attandy.
Tanymal baluan qazaq sportşylary ışınen kımnıŋ tosynsyi jasauy mümkın ekenın aitty.
Erkın küresten Qazaqstan ūlttyq qūramasy Varşavadaǧy "Vaslav Siolkovskii memorialy-2019" turnirıne qatysady.
Osyǧan deiın bapkerler ştaby däl osy jarystan keiın tolyq qūram anyqtalady dep aitqan bolatyn.
Resei qūramasy sapynda asa auyr salmaqta beldesken tanymal erkın küres şeberı Eduard Bazrov, älem chempionatynda qai qazaq atoi saluy mümkın ekenın topşylady. Ol är jyldary Resei chempiony atanyp, ırı xalyqaralyq turnilerdıŋ jeŋımpazy men jüldegerler qatarynan körınıp, boz kılemde Bilial Maxovtyŋ basty qarsylasy boldy. Qazır Eduard Qazaqstan Federasiiasynyŋ şaqyruymen Grek-rim, erkın jäne äielder küresı Akademiiasynda jastar jäne jasöspırımderdıŋ fizikalyq daiyndyǧyna jauap beredı.
- Bız ünemı Akademiiada ömır sürgennen keiın, jiyn kezınde qūramamen bırge jattyǧamyz. Jıgıtter köz almdymyzda jür. Kımnıŋ qanşalyqty deŋgeide daiyn ekenın köre alamyz. Polşadaǧy turnir älem chempionatyna degen daiyndyqtyŋ şeşuşı kezeŋı dep aituǧa bolady. Myqtylarmen küresıp qaludyŋ soŋǧy mümkındıgı bolyp tūr. Älem bırınşılıgıne deiın az ǧana uaqyt qaldy. Jalpy, bapkerler ştaby da ülken dodaǧa qatysatyn komandanyŋ jospary da bar şyǧar. Keibır salmaq därejelerınde atoi salmasaq ta, keibırınde medal üşın kürese alamyz. Mysaly, Aziia chempiony, byltyrǧy älem chempionatynyŋ finalistı - Nūrislam Sanaev. Daniiar Qaisanov (74 kelı) tamaşa mausym ötkızdı. Aziia chempiony atanyp, Sassaridegı turnir finalynda ataǧynan at ürketın Frank Chamizoǧa säl ese jıberıp aldy. 65, 86, 92 jäne 125 kelıde naqty şeşım qabyldanbady. Osy salmaqtaǧy baluandardy Polşadaǧy turnirden keiın bılemız. Jarysta kımnıŋ baǧy janady, sol qūramanyŋ namysyn qorǧamaq.
- Eduard, kezınde sız asa auyr salmaq därejesı 125 kelıge deiın beldestıŋız. Osy salmaqta Oleg Boltin jäne Iýsup Batyrmurzaev sekıldı ekı ümıtkerımız bar. Sızdıŋ oiyŋyzşa, kımnıŋ mümkındıgı köbırek?
- Batyrmurzaev üşın biylǧy mausym sättı boldy dep aituǧa bolady. 23 jasqa deiıngılerdıŋ arasynda Aziia chempiony atandy. Ol jerde eresekterşe küres körsettı. Oleg Boltin auyr salmaqtaǧy Qazaqstannyŋ betke ūstar baluandarynyŋ bırı. Ekeuı de tärtıpke baǧynatyn, tamaşa sportşylar. Ekeuınıŋ de Polşaǧa attanǧany öte dūrys şeşım. Turnir qorytyndysy boiynşa üzdıgı anyqtalady. Eŋ myqtysy jeŋıske jetsın.
- Är älem chempionaty jaŋa esımderdıŋ tuuyna mümkındık beredı. Qazaqstandyq qai baluan barşanyŋ nazaryn özıne audaryp, taŋǧaldyra alady dep oilaisyz?
- Bız köşbasşylar turaly aittyq. Endı tosynnan jarq etuı mümkın sportşylarǧa kelsek, 70 kelıde Nūrqoja Qaipanovtyŋ aiy oŋynan tuuy mümkın. Baluan endı ǧana 20-dan asty. Osy jyly ol Qazaqstan chempionatyn jeŋıp alyp, el tarixynda eŋ jas Aziia chempiony retınde qaldy. Onyŋ küres stilınde qazaq küres mektebı anyq körınedı. Är mekteptıŋ öz köşbasşysy bar, mysaly, amerikalyq küreste - Kail Snaider, reseilıkte - Sadullaev, irandyqta - Iаzdani Cherati. Qaipanov ta aidy aspannan bır-aq şyǧaryp, bolaşaqta qazaq küres mektebınıŋ alǧadaiy atanuy ǧajap emes. Qazır ol jäne basqa sportşylar da myqty bapkerler ştabymen, ırı jarystarǧa dūrys daiyndyqpen baruǧa taktika qūra alatyn Mairbek Iýsupovpen jūmys ısteu mümkındıgı bar.
Esterıŋızge sala keteiık, Nūr-Sūltan qalasyndaǧy grek-rim, erkın jäne äielder küresınen älem chempionaty qyrküiektıŋ 14-22 aralyǧynda ötedı.
"Adyrna" ūlttyq portaly
