Tölemderdı tolyǧymen aluǧa bolady
Bırınşı vise-ministr Erjan Jylqybaevtyŋ aituynşa, aldymen üidı köşıruge ketetın şyǧyndarǧa bır rettık tölem berıledı. Onyŋ kölemı – otbasynyŋ ärbır müşesıne 88 000 teŋge."Būdan bölek, baspanany jaldauǧa jäne kommunaldyq qyzmetterdı töleuge 30 ailyq eseptık körsetkış – 75 750 teŋge qarastyrylǧan. Būl aqşa ai saiyn bır jyl boiy tölenedı. Sondai-aq, köşıp kelgen adamdardy jūmysqa alǧan mekemelerge subsidiia bölınıp tūrady", - dedı Jylqybaev ükımet üiınde ötken baspasöz mäslihatynda.
Onyŋ sözıne qaraǧanda, baspanany jaldauǧa berıletın aqşany tolyǧymen aluǧa da bolady. "Eger köşıp barǧan adam satyp aluǧa üi tapsa, ötınış jazyp, on ekı aiǧa berıletın qarjyny bırden alsa da bolady. Ol aqşanyŋ kölemı 1 millionǧa juyqtaidy. Özınıŋ aqşasyn qosyp, üi alamyn dese, biudjettıŋ qarjysy bırden audarylady. Mysaly, auyldarda üi arzan", - dep atap körsettı Jylqybaev.2 myŋnan astam otbasy soltüstıkke köşırıledı
Resmi mälımetke säikes, biyl 2 250 otbasyny oŋtüstıkten soltüstıkke köşıru josparlanǧan. Olardyŋ jalpy sany – 10 000 adam. Osy uaqytqa deiın 1 050 otbasy nemese 4 000 adam köşırıldı. Olardyŋ 60 prosentı jūmysqa ornalastyryldy. Osy baǧdarlama aiasynda "Nūrly Ertıs" jobasy qolǧa alynyp, elordanyŋ köpbalaly otbasylary Ekıbastūz qalasyna qonys audaryp jatyr. Jyl basynan berı "Nūrly Ertıs" pilottyq jobasymen 103 köpbalaly otbasy Ekıbastūzǧa köşıp barǧan. Olardyŋ barlyǧy baspanamen qamtyldy. Eŋbekke jaramdy adamdardyŋ 80 prosentı jūmysqa tūrǧyzyldy. Balalarǧa balabaqşa men mektepten oryn berıldı. "Jyl soŋyna deiın Nūr-Sūltan qalasynan taǧy 200-den astam otbasy Ekıbastūzǧa köşırıledı. Pilottyq joba aiasynda Soltüstık Qazaqstanǧa 3 milliard teŋge bölındı. Osy aqşaǧa köşıp keletın adamdarǧa 428 arendalyq tūrǧyn üi salynady", - deidı Jylqybaev."Adyrna" ūlttyq portaly
