Jaqynda bırqatar BAQ şeteldık tasymaldauşylarǧa europalyq jartylai tırkemelerde tasymaldau/auystyryp tieu ädısın qoldanyp, Qazaqstanǧa jük äkeluge şekteu qoiylǧany turaly habarlady.
Biyl mausym aiynda Qazaqstan Respublikasynyŋ Qarjy ministrlıgı reseilık jäne belarustık ärıptesterın EAEO-ǧa kırmeitın elderde tırkelgen uaqytşa äkelınetın kölık qūraldarynyŋ keden organdarynda ornalasuy men qozǧalysynyŋ şarttaryn saqtau qajettıgı turaly habardar ettı.
EAEO Keden kodeksınıŋ 38-tarauyna säikes, EAEO aumaǧyna uaqytşa äkelıngen şeteldık jartylai tırkemelerdı ötkızu kezınde halyqaralyq kölık qūraldaryn basqa tūlǧalarǧa beruge, onyŋ ışınde kerı tieuge bolmaidy, dep jazdy «Atameken» ŪQP.
Ereje būzylǧan jaǧdaida tasymaldauşynyŋ kedendık äkelu bajdaryn, salyqtardy, arnaiy, dempingke qarsy, ötemaqy bajdaryn töleu jönındegı mındettemesı tuyndaidy.
Qaita bailanystyru/qaita tieu kezınde kedendık baqylauda tūrǧan halyqaralyq tasymaldauǧa arnalǧan kölık qūraly auystyrylyp, olardyŋ EAEO kedendık aumaǧynan şyǧaru merzımderı saqtalmaidy.
Osylaişa, EAEO Keden kodeksınıŋ bırqatar normalary būzylady. Mūndai jaǧdailarǧa QR «Äkımşılık qūqyq būzuşylyq» turaly Kodeksınıŋ 29-baby boiynşa jauapkerşılık belgılengen.
«Atameken» QR Ūlttyq käsıpkerler palatasy tasymaldauşylardyŋ salalyq bırlestıkterımen bırge, qazaqstandyq käsıpkerlık subektılerıne 2024 jylǧy 1 şıldeden bastap osy standarttardy saqtamaǧany üşın jauapkerşılıktıŋ bastalatyny turaly aldyn ala habardar ettı», - dep mälımdedı «Atameken» Ūlttyq käsıpkerler palatasy töraǧasynyŋ orynbasary Mūrat Ämrin.
«Bügıngı taŋda Qazaqstannyŋ memlekettık kırıster organdary belgılengen talaptardy būzǧany üşın tek reseilık jäne belarustık tasymaldauşylardy ǧana emes, sonymen qatar EAEO kedendık aumaǧynda auystyryp tieu arqyly jükterdı tasymaldaǧan qazaqstandyqtardy da ūstady», - dedı Mūrat Ämrin.
Osyǧan bailanysty «Atameken» QR Ūlttyq käsıpkerler palatasy EAEO serıktes elderınıŋ biznes-qoǧamdastyqtary kedendık retteudıŋ bıryŋǧai qaǧidattaryn saqtau qajettıgı turaly auqymdy aqparattyq jūmystardy jürgızu qajet degen ūstanymda.
