21 myń teńge jyry qashan bitedi?
21 myńdy alalmaı, kómek surap, jylyp júrgen áıelder azdaı, endi qaıtarý kerek degender mazalaýda!
Aqshany beretin kezde jergilikti atqarýshy qyzmetkerler sharttaryn eskertpegen. Ózderi túsinbegen bolý kerek. Shartty, shartsyz mal alǵansyń, almaǵansyń sııaqty kóp áńgimeler órbip jatqan kórinedi. Qatelespesem bizde mınıstrlik, onyń ishinde qanshama qyzmetkerler bar. Biraq osy 21 myń teńgeni kim alady? Qalaı alady? Qalaı qaıtarýy kerek nemese qaıtarmaıdy, maqsaty, sharttary týraly nege vıdeo rolık jasap WhatsApp jelisi arqyly taratpaıdy? Nege men jaýap berýim kerek? Sender ne úshin aılyq alyp otyrsyńdar? Bergen 21 myń teńgelerińdi, áıelderdiń 21 jerinen shyǵardyńdar ǵoı! Durystap túsindirme jumystaryn júrgizińder!Sosyn kottedj barlar 21 myńdy alypty depti mınıstr! Sonda 18 aq mıllıon halyqtyń kimge kómek kerek, kimge kerek emesin áli bile almaı júrsińder me?
Qashan jumystaryńnyń nátıjesin kóremiz? Shyǵarǵan reformalaryń únemi arty aıqaı shý, qurdymǵa ketedi. Qashan júıeli jumys úırenesińder?
Al áıelderge aıtarym maǵan shyǵýdyń qajeti joq. Internetten Saparbaevtyń qyzmet nómirin taýyp, sol jaqqa telefon shalyńyzdar!
Sol kisi sheshedi bul máseleni!
Aıgúl ORYNBEK
"Adyrna" ulttyq portaly
