Myŋdaǧan jyldar boiy jasap kelgen, keşegı kärı qūrlyqty dür sılkındırıp, 16 alyp imperiianyŋ ırgesın qalaǧan saq, türkı, ǧūndardyŋ ūrpaǧy tehnologiianyŋ ǧasyrynda nege sonşama juasyp kettı? Kezınde men degen KSRO nyŋ özı qazaqty osynşalyqty momaqandyqqa üiretıp, qūldai etıp aldyna sala almaǧandy, tıptı 300 jyl boiy otarlyq ezgıde bolsa da eşkımge boi bermegen qazaqtyŋ būlai tolerant bolyp, sonşalyqty juasyp ketu sebebın tüsıne almai qoidym. 300 jylda bolmaǧan juasytu prosesı 30 jylda, taǧy bolsa "täuelsızdık" jyldarynda ıske asyp otyrǧany taŋ qaldyrady. Osy kezeŋde qazaq;
- tılınen,
-dınınen,
-ūlttyq bolmysynan,
-mınezınen,
-bailyǧynan,
-ǧūrpynan, taǧy basqa da köp qūndylyqtarynan aiyrylyp qaldy.
Qazaq san ǧasyrlyq tarihtyŋ tolqynynda qylyşyn qairai da bılgen, jauyn jairata da bılgen, taǧdyryŋ toqpaǧyn da aiausyz körgen ūlt. Täjıribesı de jeterlık ūlt. Qazaqtyŋ qazırgı mınezı sabyrlylyq pen tözımdılık deuge de kelmeidı. Būl tıptı basqa mınez. Būl otarlarǧannan da basqa sipatqa ie bolyp bara jatyr. Qauıptı ekenın sezınbei otyrsyz ba? Toleranttymyz dep töbesınen jymyŋdap otyrǧan nūrotan qazaqty bar bolǧany 30 jyldyŋ ışınde adam sengısız momaqan, könşıg, tözgıştıkke üiretıp tastaǧanyn, mūnyŋ qandai saiasi magiia men gipnoz, manipuliasiia ekenın tüsıne almadym. Mūny tereŋ zerttep, zerdelep, qazaqtyŋ özıne ūǧyndyrmasa tıptı bolmaityn siiaqty.
Bır ǧana dünie aiqyn - qazaq öte qatty aldanǧyş ūlt. Öte sengış ūlt. Sebebı, aramdyqty üirenbegen.
Bekbolat QARJAN
"Adyrna" ūlttyq portaly
