Türkıstan oblysy Saryaǧaş audany Jıbek joly auylynda «11-synyp oquşysy 14 jastaǧy qyzdy zorlamaq bolyp, qorqytty» degen aqparat taraǧannan keiın tūrǧyndar arasynda tärtıpsızdık oryn aldy. Būl turaly Azattyq radiosy jariialady, dep habarlaidy “Adyrna” ūlttyq portaly.
Aqparatqa säikes, oqiǧa 14 şılde künı oryn alǧan.«Auyl tūrǧyndaryn dür sılkındırgen oqiǧa 14 şılde künı tüngı 12:00den keiın boldy. Äleumettık jelılerde «11-synyp oquşysy 14 jastaǧy qyzdy zorlamaq bolyp, qorqytty» degen aqparat taraǧannan keiın küdıktı jasöspırım tūratyn üidıŋ maŋyna aşuly jūrt jinaldy», - delıngen habarlamada.
Aitularynşa, auylǧa kıre berıs joldy avtomatpen qarulanǧan polisiia qyzmetkerlerı küzetedı. Är būryşta polisiia kölıkterı men avtobustar, synǧan terezeler bar.
Tūrǧyndardyŋ aituynşa, auylda bırneşe künnen berı internet bailanysy jūmys ıstemei tūrǧan. Bailanystyŋ qalpyna keltırılgenıne bır kün boldy.
Jūma küngı tärtıpsızdık kezınde zardap şektı degen üilerdıŋ bırınıŋ janynda arnaiy tehnikasy bar şaǧyn avtobus bolǧan.
Mälımetterge qaraǧanda, jinalǧandar üi maŋyndaǧy kölıkterge tas laqtyryp, terezelerın syndyrǧan.
Auyl tūrǧyndary oqiǧa saldarynan bırneşe adam zardap şekkenın aitady: bıreuınıŋ aiaǧy synǧan, bıreuınıŋ mūryn süiekterı zaqymdalǧan. Al auyl äkımdıgı zardap şekkender joq dep sendıredı.
«Äleumettık jelılerde oqiǧanyŋ Jıbek joly auylynda bolǧany jazylǧan beinerolik tarady. Osy beinelerdıŋ bırınde jabyq aulada bırneşe er adamnyŋ oryndyqtardy alyp, bırneşe basqa er adamdarǧa qarai laqtyryp jatqany körsetılgen. Video poliseiler auylǧa kelgenge deiın tüsırılgenge ūqsaidy», - delıngen habarlamada.
Taǧy bır videoda polisiia jäne tärtıpsızdıkke qarsy qūral kigen er adamdardyŋ köşede aiǧailap jatqan adamdardy taratuǧa tyrysqany körsetılgen. Azamattyq kiım kigen er adamnyŋ jeidesı jyrtylyp, onyŋ üstınde qanǧa ūqsas ülken qyzyl daq bar ekenı atap ötılgen.
Tūrǧyndardyŋ aituynşa, oqiǧa bolǧan tünı jüzdegen adam köşege şyqqan. Alaida auyl äkımdıgı 50-ge juyq adam bolǧanyn aitady.
«Bırneşe saǧattan keiın auylǧa polisiia qyzmetkerlerı kelıp, aşuly halyqty taratty. Polisiia beketterı ornatylyp, internet öşırıldı», - delıngen habarlamada.
Osy oqiǧadan keiın Saryaǧaş audandyq sotynyŋ mälımetınşe, 16 jastaǧy jasöspırım «zorlau» jäne «qylmys jasauǧa oqtalu» küdıkterımen ūstaldy. Sonymen qatar, 19 jastaǧy jas jıgıt «būzaqylyq jasady» degen aiyppen ūstaldy. Sot olardy on täulıkke qamauǧa aluǧa şeşım qabyldady.
Mälımetterge säikes, 16 jastaǧy jasöspırım 14 jastaǧy qyzdy erkınen tys şaqyryp, qolynan tartyp, qyz onymen kezdesuden bas tartqan kezde ol qorqyta bastaǧan. 14 şıldege qaraǧan tünı bolǧan oqiǧaǧa osy sebep bolǧan dep habarlandy.
«Jūma künı Azattyq radiosynyŋ tılşısı «üiıne şabuyl jasalǧan» otbasy müşelerımen söilesuge ärekettendı, bıraq olar öz qauıpsızdıgı üşın qorqatyndaryn aityp, sūhbat beruden bas tartty. Otbasy Qazaqstandaǧy Äzırbaijan elşılıgıne habarlasyp, basqa jerge qonystandyrudy sūraǧan. Aulasyn taspen atqylaǧan ekınşı üidıŋ tūrǧyndary da sūhbat beruden bas tartty», - dep qorytyndylady habarlama.
Oblystyq polisiia departamentınıŋ baspasöz qyzmetınıŋ mälımetınşe, Türkıstan oblysy Saryaǧaş audanynda bolǧan oqiǧadan keiın poliseiler qylmystyq ıs qozǧaǧan.«Būl faktı boiynşa qylmystyq ıs qozǧaldy. Küdıktı uaqytşa ūstau izoliatoryna qamaldy», - delıngen habarlamada.
Türkıstan oblysy Saryaǧaş audanyndaǧy auyldardyŋ bırınde jasalǧan būzaqylyq faktısı boiynşa qūqyq qorǧau organdary tergeu jürgızıp jatqany habarlandy.
«Barlyq män-jaidy anyqtau üşın tergeu jürıp jatyr. Auyldaǧy jaǧdai tūraqty. Jergılıktı tūrǧyndarǧa tüsındıru jūmystary jürgızıldı», - delıngen habarlamada.
