Numerolog İrina Äbdıraiymova tamyz aiy şıldege qaraǧanda jaqsy künderge toly bolatynyn aitady. Osy oraida ol ömır syilaǧan mümkındıkterdı jıberıp almaǧan jön ekenın eskerttı, dep habarlaidy"adyrna.kz"  Sputnik Qazaqstan aqparat agenttıgıne sılteme jasap. Jūldyzdar syryn ūqqan maman soŋǧy boljamdarynda jaǧymsyz jaŋalyqtar köp bolǧanyn aitady. Būl özgelerdıŋ ǧana emes, özınıŋ de köŋılın tüsırgen eken. Dese de, ol tamyz aiynda kerısınşe jaǧymdy sätterdıŋ köbırek bolatynyn aityp quantty.

"Ai basynda bızdıŋ belsendılıgımız artyp, aldymyzǧa qoiǧan maqsattarǧa asqan tabandylyqpen jetemız. Eŋ bastysy, bızdıŋ jūmys ısteu qabıletımız jaqsarady. Özgelerge kömek qolyn sozu arqyly baqytqa bölenemız, özımızge beretın baǧamyz da joǧarylaidy", - dedı numerolog.

Maman ädıldık ornatu üşın ülken ıske kırısuden eş qoryqpauǧa keŋes beredı. Äsırese, bızdı bılım, ūstazdyq jäne saiasat salasynda tabys kütıp tūr. Sondai-aq, birjadaǧy operasiialar sättı ötedı.

Adamdar şekten tys sezımtal bolyp ketedı

Ärı qarai İrina Äbdıraiymova köp adamnyŋ qūmar oiyndarynda joly bolǧanmen, barlyq närsede balans saqtaluy kerektıgın eskerttı. Aituynşa, tamyz aiynyŋ alǧaşqy toqsanynda adamdar şekten tys sezımtal bolyp ketedı. Ainalamyzdaǧylardyŋ sözdı qalai aitqanyna deiın män beretın jaǧdaiǧa jetemız. Şyndyqty aityp tūrǧan jäne aldap tūrǧan adamnyŋ ara-jıgın bırden ajyratamyz. "Aqparatty qūlaǧymyz, közımızben emes, tüisıgımızben qabyldaimyz. Uaqyt öte kele, adamnyŋ bızge aitqysy kelgen sözın aldyn ala boljaimyz. Mümkındıgınşe qiialymyzǧa qandai da bır şekteu qoiyp otyrǧanymyz jön", - deidı İrina Äbdıraiymova.. Sondai-aq, onyŋ pıkırınşe, eger qarsy aldyŋyzdaǧy adamnyŋ jüregın jaulaǧyŋyz kelse, äŋgımenı onyŋ problemalaryn sūraudan bastau kerek. Äsırese, otbasy men jūmysyna qatysty sūraqtardy köbırek qoiyŋyz. Al saiahattaityn bolsaŋyz, jalǧyz jürmegenıŋız jön. 6, 7, 8 tamyz – jūmys üşın tabysty künder bolmaq. Äsırese, basşylyqpen, bilıkpen qandai da bır kelıssöz jürgızuge tiımdı. 12 tamyzdan bastap bızdıŋ saiasi jaŋalyqtarǧa da, ösekke de qyzyǧuşylyǧymyz şekten tys arta bastaidy. Keiın osy estıgenderımızdı ainalamyzdaǧylarǧa jetkızuge tyrysamyz. Arasynda öz tarapymyzdan detal qosyp jıberetın kezder de kezdesedı.

Ai ortasynda köŋılıŋızdı tüsıretın jaŋalyq estisız

Numerologtyŋ boljauynşa, tamyz aiynyŋ ekınşı toqsanynan bastap alys-jaqqan jerlerge tek köŋıl köteru üşın barasyz. Köpşılıktıŋ aldynda özıŋızdıŋ qanşalyqty bılımdı ekenıŋızdı körsetıp qaluǧa tyrysasyz.

"Eger özıŋızdı qandai da bır maqsatta jarnamalaudy köpten berı qalap jürgen bolsaŋyz, būl mümkındıktı jıberıp almaŋyz. Jalpy tamyz aiynyŋ alǧaşqy ekı bölıgınde özımızdı jer-kökke syiǧyzbai maqtaǧan jandarǧa büiregımız būryp tūrady. Osy oraida özgelerge de jürektı jylytar qoşemet söz aitudy ūmytpaǧan jön", - deidı maman.

Jazdyŋ soŋǧy aiynda adamdardyŋ romantikaǧa degen qūlşynysy artady. Qymbat ärı sändı kiınuge qūmartyp, dükennen köptegen ädemı zat satyp alasyz. Kezdesu bır rettık bolsa da, äserı mäŋgılıkke qalatyny sözsız. Ärtürlı kosmetikalyq prosedura jasatu üşın de qolaily uaqyt bolmaq. Tek bır eskeretını – 15, 16 tamyz künderı köŋıldı tüsıretın jaŋalyq estuıŋız mümkın. Osy jaŋalyqqa bola aşuǧa boi aldyryp, kütpegen jerden janjal şyǧarasyz. Tüimedeidı tüiedei etıp, terıs şeşım qabyldaisyz. Sondai-aq, jūmysta qiyndyqtar bolyp, jalǧan aqparat estuıŋız mümkın. Sol sebeptı osy künderı asa saq bolyŋyz. "Aidyŋ ortasynda elektr qūrylǧylaryn abailap paidalanyŋyz. Mümkındıgınşe äue kölıgın qoldanbai qoia tūrǧanyŋyz jön. Būl qozyp tūrǧan jüike auruyn asqyndyrady. 18 tamyzdan keiın "Demalǧan jaqsy, bıraq jūmys ısteu" kerek degen oi tuady. Aqyryndap bärın retke keltırıp, oiyŋyzdy jinaqtai bastaisyz", - dedı numerolog. Al 20-21 tamyz zaŋgerlerdıŋ kömegıne jügınıp, otbasyn qūru üşın taptyrmas kün bolmaq. 22 tamyzdan bastap romantikany şetke ysyryp, jürek emes, aqyldy tyŋdai bastaisyz.

Ai soŋynda eŋbegıŋız köp aqşa äkeledı

Sonymen qatar, ol oŋdy-soldy aqşa şaşuǧa degen qūlşynysty sanaly şeşımder almastyratynyn aitty. 24 tamyzdan bastap jūmysqa bılek sybana kırısemız. Alaida 25 tamyzda jynystyq qatynasqa degen erekşe qūlşynys oianatyndyqtan, adamdar süiıktısın saǧyna bastaidy. Tıptı, 26 tamyz künı qyz-kelınşekter tūrmysqa şyǧuǧa ūsynys aluy da ǧajap emes. 25-26 tamyz künderı tanysqan adamdaryŋyz mäŋgılık serıgıŋızge ainalady.

"29-30 tamyz künderı eŋbegıŋız jemıstı bolyp, qaltaŋyz qalyŋdai tüsedı. Jolyŋyz bolyp, kökeiıŋızde jürgen armanyŋyz oryndalady. 31 tamyz künı mümkındıgınşe söz talastyryp, ūrysudan boiyŋyzdy aulaq ūstaŋyz. Äitpese jaman saldary sızge tiiuı mümkın", - dedı ol.

Eŋ quantatyny – osy aida ǧaşyqtar arasynda tūtanǧan sezım oty mäŋgılıkke ūlasady. Sondai-aq, jasy ülken aǧaiyn-tuystaryŋyz qarjylai kömek qolyn sozady.