Óıtkeni bul ataqtyń quny túsip ketti. "Jer satýshy" atanǵan ákim de, paraqorlyǵynyń ısi múńkip turǵany úshin qyzmetinen túsirilgen sýdıa da, tipti óńir basshysyna "ońdy" bata bergen darynsyz jýrnalıst te, oblys ákimine kandıdattyq dıssertaııa jazyp bergen ǵalym da "Qurmetti azamat" atanǵanyn jurt kúlki etip aıtyp júr.
"Bir qyzymnan bir qyzym soraqy" degendeı, jýyrda buryn sybaılas jemqorlyq qylmysy úshin sottalyp, túrmede birneshe jyl otyryp shyqqan sheneýnikke de bir aýdannyń "Qurmetti azamaty" ataǵy berilipti dep estidim...
Sondyqtan osy, quny qalmaǵan ataqty berýdi toqtatyp, onyń ornyna bálenbaı aýdannyń jáne bálenbaı oblystyń "Qurmetti meenaty" nemese "Atymtaı jomarty" degen jańa ataq engizsek qalaı bolady?
Mundaı ataqty týǵan aýyldaryna mıllıondaǵan teńgeniń áleýmettik-mádenı ǵımarattaryn salyp bergen kásipker azamattarǵa jáne basqa da baılarǵa bersek...
Bálkim, sonda jergilikti basshylarǵa árkimdi salyp, ataq suraýshylyq múldem tyıylar. Al jańa ataqtyń jóni bólek qoı. Dańǵoı aǵaıyndarǵa ataq kerek bolsa, atamekenderine qol ushyn bersin.
Májilis depýtaty
"Adyrna" ulttyq portaly
