Qasym-Jomart Toqaev qazaqstandyq kásipker Dáýren Ramanquldyń tikken aıaq kıimin satyp alǵanyn aıtty. Ol týraly prezıdenttiń Tvıtter áleýmettik jelisinde jazylǵan.
Dáýren Ramanqul - aıaq kıim fabrıkasynyń teń quryltaıshysy jáne basqarýshy dırektory. Onyń fabrıkasy Almatyda ornalasqan. Kásipker óz ónimderine Prezıdenttiń qyzyǵýshylyq tanytqany kútpegen jaǵdaı ekenin aıtty.
Dáýren Ramanqul:
-«Aıqyn» gazetinde bizdiń aıaq kıim týraly maqala shyqty. Memleket basshysynyń baspasóz hatshysy Berik Ýálı qońyraý shalyp, Qasym-Jomart Toqaev bul maqalany oqyǵanyn jáne bizdiń aıaq-kıimimizdi alǵysy keletinin aıtty. Oǵan gazettegi bizdiń aıaq kıimderdiń sýretteri unady . Birneshe aıaq kıim modelderiniń sýretteri baspasóz hatshysyna jiberildi. Prezıdent qara qońyr aıaq kıimdi tańdady.
Dáýrenniń aıtýynsha, Prezıdentke aıaq kıimdi Qazposhta arqyly jibergen.
«Biz aıaq kıimdi Qazposhta arqyly jiberdik, ol tóledi. Baǵasy - 21 myń teńge, aıaq-kıimniń ólshemi - 43. Ol qara qońyr tústi aıaq kıimdi satyp aldy. Bizde shynaıy bylǵary aıaq kıimder tigiledi», - deıdi kásipker.
Óndirýshige tórt jupqa tapsyrys berildi: bir jup - Qasym-Jomart Toqaevqa, ekinshisi baspasóz hatshysyna, qalǵan ekeýi Prezıdent Ákimshiliginiń qyzmetkerlerine tapsyrys berilgen.
Sondaı-aq, kásipker Prezıdent Ákimshiligi qyzmetkerleriniń qandaı aıaq kıim tańdaǵanyn kórsetti.
Aıta keteıik, Dáýren Ramanquldyń fabrıkasy 2016 jyly qurylǵan.
Al, Prezıdent áleýmettik jelidegi paraqshasynda Dáýren týraly aıtyp, jalpy, qazaqstandyqtardy bıznespen aınalysýǵa shaqyrdy.
Esterińizde bolsa, 2019 jyldyń naýryzynda premer-mınıstr Asqar Mamın Shymkenttegi arnaıy ekonomıkalyq aımaqqa barǵan kezde Qazaqstanda jasalǵan jasalǵan aıaq kıim satyp alǵan bolatyn. Ol 12 myń teńgege baǵalanǵan.
Derekkóz: Abai.kz
"Adyrna" ulttyq portaly
