Jańa men osynda bir dosymnyń paraqshasynan Serikjan Bilásh degen adamnyń qasyna eki - úsh bilgishterdi jınap alyp uıǵyrlardyń kúıin kúıttep bilgishsinip otyrǵanyn kózim shalyp qaldy.
Bul (tyrnaqsha ishindegi) "strategter" "uıǵyrlardy osynda aldyraıyq, bularmen qytaıǵa qarsy birigeıik" dep kósilip siltep otyr eken.
Jalpy, Qytaı úshin "tıbet máselesi", "uıǵyr máselesi" degen nárse - onyń eń jandy jeri. Eń JANDY. Myna "strategter" álde ádeıi isteı me, álde nadandyǵy ma, sol kótendi túrtip oınap otyr. "Tynysh otqan búrkitti" demekshi..
Sizder osy kezinde (60 jyldary) Qytaıdyń Tıbet úshin Úndistan memleketimen ashyq janjalǵa baryp, osy elmen soǵysqanyn bilesizder me? Úndistan Qytaıdan qashqan tıbettikterge baspana bergen edi, Qytaı oǵan kádimgideı soǵys saldy.
Al endi osy Úndistanyńyz, mıllıardqa jýyqtap qalǵan halqy bar úlkeeen aımaqtyq ıadrolyq derjava ǵoı, soǵan qaramastan Qytaıyń oǵan at qoıdy.
Al endi búginde biz kim, Qytaı kim? Biz adam sany jaǵynan Qytaıdyń Shanhaı qalasynyń sanyna da jetpeıtin memleketpiz. Al áskerimizdiń jaıy da belgili... Iaǵnı, pil men shybyn.
Ekonomıka, basqa jaǵy da belgili... Endi osyndaı jaǵdaıdaǵy biz, sol uıǵyrlardyń joqtaýshysy bolady degenge siz senesiz be?
Endi osyny Serikjan degen kisimen, onyń qasyndaǵy bilgishteri bilmeıdi degenge she?
Endeshe bulardyń ne kóksegeni bar? Bulardyń jalpy bizdiń elimizge degen nıeti adal ma, ony kim bilgen....
Baıaǵyda bir bıge balaǵa talasqan eki áıel keledi. Ekeýi "bala meniki de meniki" dep turyp alady. Bı qalyń oıǵa shomǵan soń, "endeshe ekeýińe balany ortasynan bólip beremin" dep aıbaltasyn ala bergende, bir áıel betpaqtanyp "bólseń ból" dep bedireıip tur eken. Al ekinshi beıbaq áıel, "bıekem, quldyǵyń keteıin balaǵa tıe kórmeńiz, qaıda bolsa da aman bolsyn, meniń talasym joq" dep azar da bezer bop sylq ete qalsa kerek. Ony kórgen bı, "balanyń anasy sensiń, al balańdy" dep buıyrǵan eken.
Keıde maǵan kúni keshe ǵana elge oralyp elimizdiń azamattyǵyn alǵanyna bir - eki jyl ǵana bolǵan osy serikjandar, másele Qazaq Eliniń bolashaǵyna, taǵdyryna tirelgende sol bedireıgen ógeı ananyń qylyǵyn isteıtindeı kórinedi. "Berseń qolyńnan bermeseń jolyńnan" dep bir sumdyqqa bastap tepsinip turǵandaı kórinedi osy dúrmek.
Sondyqtan qurmetti qazaǵym, eldiń bolashaǵyna ras alańdasańyz, onyń taǵdyryn kóldeneń kók atty, surqyltaılarǵa ustatyp, onyń artynan dúrmekke ilesip shapqylaýǵa asyqpaıyqshy. Tap osy jerde durystap turyp oılanaıyqshy, bizdiń osy Qazaqııadan basqa otanymyz da joq, arandap qalmaıyqshy aǵaıyn, men senbeımin bularǵa.
Oljas ÁBIL
"Adyrna" ulttyq portaly
