Aqtöbe oblysy prokuraturasynyŋ ǧimaratyn aldaǧy 5 aida keşendı tazalauǧa 15 925 000 teŋge qarjy bölındı, dep habarlaidy Adyrna ūlttyq portaly satypalu.gov.kz saityna sılteme jasap.
"Prokuratura organdarynyŋ äkımşılık ǧimarattaryna keşendı tazalau qyzmetterı" degen taqyryppen jariialanǧan memlekettık satyp alu turaly habarlama 24 şılde künı jariialandy. Jeŋımpaz kompaniia 8 tamyz künı anyqtalady. Tehnikalyq sipattamada tapsyrysty oryndauşy 31 jeltoqsanǧa deiın, iaǧni aldaǧy 5 aida keŋse üi-jailary men kabinetterın kün saiyn jinap, jihaz, keŋse tehnikasy, telefondar, esıkter jäne basqa da interer zattardyŋ şaŋyn sürtetını, qoqys sebetterın bosatyp, paketterdı auystyryp otyratyny, t.b jūmystar körsetılgen. Sondai-aq, tapsyrysty oryndauşy üi jaidyŋ tazalyǧyn qadaǧalau üşın künıne 1 kezekşı tazalauşyny bekıtu kerektıgı jazylypty. Iаǧni, prokuratura ǧimaratynda bır tazalyqşy kün saiyn taŋǧy saǧat 08.00-den keşkı 18.30-ǧa deiın jūmys ısteuge mındetteledı.
Qyzmetkerlerge qyzmettık üijailardy tazalau nemese jinau salasyndaǧy jūmys täjıribesınıŋ boluy; juǧyş zattarmen jūmys ıstei bıluı; qauıpsızdık erejelerın jäne sanitarlyq normalardy bılu; qūpiia mälımetterdı jariialaumau turaly mındetteme; t.b talaptar qoiylatyny jazylǧan.
Tehnikalyq sipattamany oqyp şyqqanda bız bır jaidy tüsınbedık. Aqtöbe oblysynyŋ prokuraturasy ǧimaratyn aldaǧy 5 aiǧa tazalatuǧa 1 jūmyskerdı 15 925 000 teŋgege jaldaǧaly otyr ma? Logikaǧa salyp qaraǧannyŋ özınde tazalyqşy bır kün jūmys ıstep, ekı kün demalatyn jūmys kestesı bolǧannyŋ özınde, üş qyzmetker bır ǧimaratty taza ūstauyna äbden küşı jeterı anyq.
15 925 000 teŋgenı 5 aiǧa bölseŋız aiyna 3 185 000 teŋge şyǧady. Sonda prokuraturany üş qyzmetker aiyna million teŋgeden asa jalaqy alyp tazalai ma? Būl sūraqtardy Aqtöbe oblysynyŋ prokuraturasyna joldadyq. Olardyŋ jauabyn aldaǧy uaqytta jariialaityn bolamyz.
Aqan Asyl
«Adyrna» ūlttyq portaly
