Künı keşe ükımet basşysy Asqar Maminnıŋ Arysqa jasaǧan jūmys sapary kezınde Türkıstan oblysynyŋ äkımı Ömırzaq Şökeev qazırgı taŋda ötemaqy töleu boiynşa jūmystar jürgızılıp jatqanyn baiandady. Aituynşa, barlyq qūjat jinalyp qoiǧan. IIM bazasymen tekserılıp rastalǧan. Basym köpşılıgınıŋ bır rettık kartochka räsımdeuı üşın esepşoty aşylyp, qazırgı taŋda kämelet jasyna tolmaǧandarǧa tölem kartochkasyn räsımdeu jūmystary jürıp jatyr.
«Tölem kartochkalary 5 tamyzdan bastap taratylatyn boldy», - dedı Ömırzaq Şökeev Arysta Asqar Maminnıŋ qatysuymen ötken jiynda.
Al Arys qalasynyŋ äkımı Mūrat Qadyrbek tölem kartochkalaryn taratu 5 tamyzdan bastalyp, bır apta jürgızıledı dep otyr. Qarjy barlyq tūrǧynǧa bır sätte, iaǧni, 12 tamyzda audarylady.
Alaida Arys tūrǧyndary bilık qūrǧaq uädemen toidyryp otyr ma dep alaŋdauly.
«Bızge jarylystan keiın bır ai ötken soŋ beredı dedı. Qūjattarymyzdy tapsyrdyq. 24 şıldenı küttık, keiın aitty 29-yna berıledı dep. Ony da küttık. Joq, eşbırımız älı almadyq ony. Kerek deseŋız, estıp jatyrmyz, keibır tūrǧyndar tızımnen özderın tappai jatyr eken. Mekenjaiy boiynşa bırı Qostanai, endı bırı Arqalyq tūrǧyny bolyp şyqqan. Būlar aqşa audarmau üşın osylai ädeiı jasap otyr ma?» dep aşuǧa bulyqty tūrǧyndar.
Aita keteiık, şılde aiynda prezident Qasym-Jomart Toqaevtyŋ qatysuymen ötken ükımettıŋ keŋeitılgen otyrysynda Türkıstan oblysynyŋ äkımı arystyqtarǧa ötemaqy şılde aiynyŋ soŋyna deiın taratylatynyn aitqan bolatyn. Alaida tamyz aiy kelıp jetse de, Arystyŋ eşbır tūrǧyny älı bır tiyn da almaǧan.
Derekköz: stan.kz
"Adyrna" ūlttyq portaly
