Bügın, 30 şıldede Özbekstanda halyqtar dostyǧy künı toilanyp jatyr, dep habarlaidy «Adyrna» tılşısı.
El prezidentı Şavkat Mirzieev otandastaryn merekemen qūttyqtady.
«Özbekstanda 130-dan astam ūlt pen ūlystyŋ, 16 konfessiianyŋ ökılı tatu-tättı ömır sürıp jatyr. Elımızde 38 dostyq qoǧamy men 157 ūlttyq mädeni ortalyq jūmys ısteidı. Memleket olardy tiıstı jabdyqtarmen, jihazdarmen, muzykalyq aspaptarmen jäne ūlttyq kiımdermen qamtamasyz etıp otyr. Bılım beru mekemelerınde oqytu özbek, qaraqalpaq, orys, täjık, qazaq, qyrǧyz jäne türıkmen tılderınde jürgızılıp jatyr»,—dedı ol.
Memleket basşysy eldegı özara syilastyq, kelısım men yntymaqtastyq atmosferasyn nyǧaitudyŋ maŋyzdy ekenın aitty. Sondai-aq jastardy jat destruktivtı ideialar men aǧymdardan qorǧau jūmystaryn jaŋa deŋgeige köteru qajettıgın mälımdedı.
Merekelık kün 2021 jyly prezident Şavkat Mirzieevtıŋ qaulysymen resmi türde bekıtılgen edı. Qazırgı taŋda Özbekstanda 821,2 myŋ qazaq ömır sürıp jatyr.
