Qazaqstan Respublikasy Prezidentı Äkımşılıgınıŋ Basşysy Qyrymbek Köşerbaev myrza men Mädeniet jäne sport ministrı Aqtoty Raiymqūlova hanymnyŋ nazarlaryna!
Bızdıŋ Pavlodar oblysynda tıl jäne onomastika saiasattaryn jürgızu oŋai şarua emes ekenı barşaǧa aian. Äu basta patşaşyl-keŋesşıl toptar men orystıldı täuelsız gazetter oblys tılderdı damytu jönındegı basqarmasynyŋ jūmysyna mümkındıgınşe kedergı keltıruge tyrysyp baqty. Sol qiyn kezeŋde basqarma basşylary (Talǧat Äbılqasymov, Qabjan Edılbai) «Qazaq tılı» qoǧamynyŋ oblystyq ūiymy müşelerın, özge de tıl janaşyrlaryn janyna toptastyra bıldı. Ūiymnyŋ «Ertıs didary» gazetın şyǧaru ısıne de qoldau bıldırıp, tılderdı damytu men qoldanudyŋ baǧdarlamasyna engızdı. Nätijesınde basylym oblystyq biudjetten tılderdı damytuǧa bölınetın qarjy esebınen aiyna bır ret 1000 danamen 16 bet bolyp şyǧyp tūrdy. Öz basym qazaq tılınıŋ nasihattaluyna, örısınıŋ keŋeiuıne, tarihi ataulardyŋ qaitaryluyna «Ertıs didarynyŋ» redaktory ärı tılşısı retınde atsalysyp, patşaşyl-keŋesşıl jurnalistermen, qoǧam belsendılerımen ymyrasyz tartysqa tüstım! Olardy öz gazetımızde ia respublikalyq basylymdarda talai märte aiausyz synap, «Som temırge balǧa bar» ekenın ūqtyrdym! Amal ne, tılderdı damytu jönındegı basqarmanyŋ töraǧalyǧyna Säule Osmanova bekıgennen keiın «Qazaq tılı» qoǧamynyŋ belsendılerıne de, gazetıne de qyryn qaraitynyn jasyrǧan joq! Qoǧamdyq ūiym atalmyş basqarma jariialaǧan tenderge qatysyp, tılderdı damytuǧa arnalǧan azyn-aulaq qarjy mölşerın ūtyp alyp edı, qoǧam töraǧasy, Qazaqstannyŋ Qūrmettı jurnalisı Sosial Äitenovke «Özge bıreuge arnalǧan tenderge kilıkkenı üşın» dörekı mınez körsettı! S. Osmanova «Ertıs didarynyŋ» şyǧarylymyna bölınetın qarjy mölşerın jyl saiyn qysqartyp otyrdy, sonyŋ saldarynan gazettıŋ taralymy, şyǧarylymaralyq merzımı, kölemı bırtındep qysqardy. Aqyry, erejesı nemkettılıkpen jazylǧan tenderdı jergılıktı «Versiia» gazetı ūtyp aldy! «Versiia» bolsa, bır kezdegı oblys äkımı, belgılı ǧalym, ūltjandy azamat Erlan Aryndy ūrdajyq syndarmen barynşa qaralaǧan gazet bolatyn! Gazettıŋ redaktory Iаroslav Golyşkin E. Arynnan keiıngı äkım Qanat Bozymbaevty bopsalap, asa ırı kölemde qarjy talap etkenı üşın sottalyp ketken edı! Estuımşe, Säule Osmanova basqarma qyzmetkerlerıne tender qarjysyn «Versiianyŋ» igeruı üşın qolaily jaǧdai tudyruǧa nūsqau berıptı. Al maǧan: «Bıraz şydai tūryŋyz. Kelesı jyly qoǧamnyŋ gazetın qaitadan şyǧaramyz!» degenı esımde. Bıraq şyndyǧyn aitpapty. Keiın «Ertıs didaryn» qarjylandyru şarasyn tıptı baǧdarlamaǧa engızgen joq! Säule Qabdyjaparqyzynyŋ mamandyǧy nemıs tılı pänınıŋ mūǧalımı. Nemıs tılın qandai deŋgeide meŋgergenı bızge beimälım, bıraq alqaly jiyndarda ne qazaqşa, ne orysşa möldıretıp söilegenın körgen emespız. Äiteuır, oiyn auyzekı sözdermen jetkıze alady. Tıl salasyn basqaryp otyrǧan şeneunıktıŋ sözdık qory tiıstı deŋgeide bolmasa, qiyn eken... S. Osmanovanyŋ aty osyndai ıs-äreketterımen äigılense de, jergılıktı qoǧam belsendılerı men tıl janaşyrlary ony basşy retınde moiyndaǧan joq! Oblystaǧy ülkendı-kışılı tıl problemalary üşın jauapkerşılıktı bırden aimaq basşysy Bolat Baqauovqa jüktedı! Būl jait talai märte qaitalandy! Ondai kezderde S. Osmanova būqaralyq aqparat qūraldary, äleumettık jelıler arqyly aitylǧan aşy syndarǧa qatysy joq köp şeneunıkterdıŋ bırı sekıldı özın beitarap ūstady. Al basqarmanyŋ būrynǧy basşylary bolsa jauapkerşılıktı öz moiyndaryna alyp, oblystyŋ bedelıne, äkımderdıŋ abyroiyna kırşık tüsırmeuge küş salatyn!
Osyndai jaǧdaida memlekettık tıl problemasy şeşılmegen bızdıŋ aimaqta tılderdı damytu jönındegı basqarmany taratyp jıberu - közdelgen maqsatqa jetkızbeitını, tek basqarma basşysyn bılıktılıgı joǧary, memlekettık tıldıŋ jaǧdaiyna jany auyratyn naǧyz käsıbi mamanmen auystyru qajet ekenı jönınde tıl janaşyrlary äldeneşe ret aitty. Tıptı «Qazaq tılı» qoǧamynyŋ alqa müşelerı oblys äkımıne ötınış te jazdy! Būl hatqa Bolat Baqauov qandai da bır jauap qaitarmaǧan soŋ oilary men ūsynystaryn respublikalyq basylymdar, internet portaldary arqyly jūrtşylyqqa jariia ettı!
Sonda da oblys äkımı qoǧam belsendılerınıŋ janaiqaiyn eleusız qaldyrdy! Däl sonyŋ yqtiiarymen oblys tılderdı damytu jönındegı basqarmasy taratylyp, mädeniet, arhivter jäne qūjattama basqarmasynyŋ qūramyna qosyldy! Qazırgı şaqta jaŋa basqarmanyŋ basşysy taǧaiyndalmasa da, onyŋ orynbasary qyzmetıne Säule Osmanova bekıtılıptı!..
...Sonymen, oblys äkımı Bolat Baqauov nelıkten qoǧam belsendılerı men tıl janaşyrlarynyŋ ötınış-tılekterın eleusız qaldyryp, tıl taǧdyryna nemqūraidy qaraidy? Bälkım ol «Kadr bärın şeşedı» degen mäteldıŋ män-maǧynasyn tüsınbeitın bolar? Älde älgı Säule Qabdyjaparqyzynyŋ oblys prokuraturasynda jauapty qyzmetterde ısteitın bauyry men ūlynan seskene me?..
QR Prezidentı äkımşılıgı, Mädeniet jäne sport ministrlıgı būl mäselenıŋ anyq-qanyǧyna jetedı degen oidamyz.
Arman QANİ, Qazaqstannyŋ eŋbek sıŋırgen qairatkerı, «Tıl janaşyry» Qūrmet belgısınıŋ iegerı. Pavlodar qalasy.
