Jaz aiy bastalǧan tūsta, özen men kölderdıŋ maŋynda demaluşylardyŋ sany artady. Degenmen de köptegen adamdar TJD qyzmetkerlerınıŋ eskertuıne män bermi, belgılenbegen oryndarda jazataiym oqiǧalarǧa tap bolyp jatady.
Naqtyraq aitsaq, Şymkent qalasynyŋ Tötenşe jaǧdailar departamentınıŋ resmi mälımetıne säikes, qala aumaǧyndaǧy su aidyndarynda 5 resmi oryn belgılengen. Onyŋ üşeuıne şomyluǧa rūqsat etılgen. Olar: «Holodilnik» jäne «Rahat Badam» demalys oryndarymen Qoşqar ata özenınıŋ bastauy. Sonymen qatar, ekeuı sport jäne turizmǧa arnalǧan Dendrologiialyq saiabaq pen Jailau kölı bar.
Sondai- aq, şomyluǧa tyiym salynǧan 13 oryn aiqyndalyp, 72 eskertu belgılerı ornatylǧan. TJD qyzmetkerlerı säuır aiynan bastap, sudaǧy qauıpsızdıktı saqtau boiynşa 195 ret reid jürgızıp, 20 952 adam qamtydy.
Qauıpsızdıktı küşeitu baǧytynda jazataiym oqiǧalardyŋ aldyn alu maqsatynda, adamdar köp şoǧyrlanatyn oryndarda LED ekrandar arqyly beinerolikter körsetılıp, tūrǧyndardyŋ mobildı telefondaryna 112 qyzmetı arqyly kündelıktı eskertu habarlamalary jıberılude.
Qūrmettı Şymkent qalasynyŋ tūrǧyndary men qonaqtary! Sızderdı suǧa şomylu erejelerı men qauıpsızdık şaralaryn qataŋ saqtauǧa şaqyramyz! Är adamnyŋ ömırı – baǧa jetpes qūndylyq!
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz