- Biyl bız būl baǧytta ekı oqu ornymen ärıptestıktı bastadyq. Atap aitqanda, būl –orta mektepterge engızıletın barlyq kursty daiyndap, yqşamdaityn Ybyrai Altynsarin atyndaǧy Ūlttyq bılım beru akademiiasy. Sonymen qatar Nazarbaev ziiatkerlık mektebı. Būl arada qandai da bır jeke pän bolmaidy. Oǧan bölek saǧattar bölınbeidı. Jaratylystanu, biologiia siiaqty jalpy pänderge taqyryp retınde arasynda engızıledı, - dedı BŪŪ-nyŋ Halyqty ornalastyru qorynyŋ (IýNFPA) atqaruşy ökılı Raiymbek Sisemaliev.

2019 jyldyŋ jaz aiynda mūǧalımder pilottyq mektepterde daiyndyq kursynan ötken. Mūndai özgerıs 2019-2020 oqu jylynda synaqqa alynbaq eken. Odan keiın baryp, ol barlyq mektepterde engızıletın bolady.

Pilottyq joba biyl 9-synyptan bastap qolǧa alynbaq. Odan keiın ol 8-6-synyptar oqityn pänderge engızıledı. Barlyq aqparat balalardyŋ jas erekşelıkterıne säikes ūsynylady.

Aita ketsek, jynystyq tärbie kurstary Qazaqstan mektepterınde soŋǧy bes jylda arakıdık körınıs tauyp jür. Köbıne qalalyq salauatty ömır saltyn qalyptastyru ortalyǧy syndy mekemelerden mamandardan kelıp, mektepke buklet taratyp, öz därısterın oqyp ketıp jürgen. Sonyŋ ışınde müşeqaptyŋ jarnamasy jaqsy jürgızıledı. Mäselen, Almatydaǧy bır mekteptıŋ ata-analary bırer jyl būryn būǧan üdere türegelıp, öz narazylyǧyn bıldırıp, Bılım ministrlıgın aiaǧynan tık tūrǧyzǧan. Olarǧa balalarynyŋ qolyna ūstatqan test sūraqtary da töbe şaşyn tık tūrǧyzǧan. Äsırese, qazaq mektepterındegı köp ata-ana jynystyq tärbieden görı, öz mentalitetımızge sai "Ädep" degen sabaqty engızgen jön ǧoi dep esepteidı.