Qorǵanys mınıstri Ermekbaev myrza!
Arystyń jaǵdaıy áli durys emes!
Arys halqy osyndaı ábigerge túsip ábirjýi, jaýapsyz basshy daıyndyǵy joq qyzmetkerlerdiń kesirinde bolyp otyr. Qázirgi tańda jumysshylar jetispeı jatyr. Kósheler qoqysqa toly, úılerdiń keıbiri ýaqytysynda salyp bitpegen. Úılerińdi ózderiń tazalańdar degen, er azamattary joq kóp balaly áıelder aýyr shpal, taqtaılardy qalaı tazalaıdy? Bir kirpish kóterip kómek bersede sarbazdardy aldyrtyńyz! Halyq sandalyp, jýrnalıster men biz sııaqty qoǵam belsendilerinen kómek suraýda.
Qázirgi tańda áskerde qanshama sarbaz otan aldynda óz mindetterin óteýde. Qázirgi tańda soǵys joq, tynysh zaman. Sol sarbazdar áskerde óz ýaqyttaryn júgirýmen atqaryp jatqan bolar. Otan aldyndaǵy boryshyn Arysqa kómek berip, jumys qol kúshi jetpeı jatqanda, osynda bir, eki áskerı bólimderdiń sarbazdaryn ákelýge bolmaıdy ma?
Myń sarbaz ákel dep aıtpaımyn, 200 sarbaz ákelseńiz osyndaǵy biraz qara jumystardy biteri anyq!
Qorǵanys qyzmetiniń salǵyrttyǵyn nege ákimdiktegiler jáne qarapaıym halyq sheshý kerek?
Salǵyrttyq pen jaýapkershiliksiz is sizderden boldy ma? Sońyna deıin halyqpen bolyńyzdar!
Aıgúl ORYNBEK
"Adyrna" ulttyq portaly
