Menıŋ oiymşa bızdıŋ qoǧam kapitalizmnıŋ qatal zaŋdylyqtaryna jyl ötken saiyn enıp barady. Turasyn aitu kerek qazaq halqy eşqaşan kapitalizmde ömır sürıp, älemdık örkeniette ǧylym, bılım, jaŋalyq aşudan, ekonomikadan şynaiy bäsekege tüsıp körmegen. Qazırgı ötpelı kezeŋde qūndylyqtar men zamanǧa sai kelmeitın sananyŋ transformasiiasyn bastan ötkeruımız qajet. Jalpy ūlt modernizasiiaǧa tüsuı kerek. Bolmysy men sanasy, älemdı qabyldau tüsınıgı transformasiiadan ötuı tiıs. Auyr bolsa da būl joldan ötuımız qajet. Älemge aşylumen aqyryndap bolsa da qazırgı taŋda būl prosess jürıp jatyr.
Osy jerde tüsınıspeuşılık te bar. Jalpy bızdıŋ qoǧamdaǧy äŋgımenıŋ auany maida, ūsaq äŋgımenıŋ deŋgeiınen şyǧa almaidy. Tehnologiia, jaŋalyq aşu qazaqqa qatysy joq dünie sekıldı. Erteŋ İlon Mask Marsqa ūşyp barsa qazaq "Eee, barypty ǧoi" deidı de özınıŋ qazanyna sai keletın taqyrypqa qaita tüsıp, sony qaujap otyra beredı. Osyndai ūsaq taqyryptardy eldıŋ aldynda jürgen ziialylardyŋ özı bastaidy. Sebebı olardyŋ özı, jalpy bızdıŋ bärımızdıŋ deŋgeiımız sol negızı. Bılsek aitamyz, bılmesek ne aitamyz?.. Qoldan kelse jasaimyz. Kelmese ne jasaimyz?.. Adamzattyŋ damuy, örkeniettıŋ betalysy bızge qajetı joq dünie sekıldı qabyldaimyz. Bızdıŋ taqyryp emes degen beisanaly tüisık jaulap alǧan. Osy ramkadan şyǧa almaimyz. Däl osylai kete bersek "Vechno dogoniaiuşii ekonomikasy" bar el qatarynan mäŋgı şyqpaimyz. Ary qarai ekonomika, täuelsız memleket, mäŋgılık el degenıŋnıŋ özı ǧylymy myqty orys pen qytaidyŋ ortasynda otyrǧan bız üşın ülken sūraq. Bır zamanda bızdıŋ buyn ne keler ūrpaq būl problemamen betpe-bet keledı.
Bauyrjan SERIKBAIEV
"Adyrna" ūlttyq portaly
