Arystaǧy apattan keiın Arys äkımınen bastap, oblys äkımı de, ükımet te, Prezident te arystyqtarǧa üilerın qaita salyp beruge, halyqtyŋ köŋılı tolǧanşa barlyq jaǧdaiyn jasauǧa uäde bergen edı.
Endı barynşa halyqty aldap-sulauǧa köşken syŋaily. "O basta üilerıŋ sapasyz salynǧan... saman üilerıŋ qirasa, özderıŋ kınälısıŋder... qora-jai turaly auyz da aşpaŋdar..." dep bar kınänı halyqtyŋ özıne audaruǧa tyrysyp baǧuda.
Aryq söilep, semız şyqqan jaqsy ǧoi...
Qam qyş pa, lai kırpış pe, küigen kırpış pe - jeke mülıktı qiratqan adam qalpyna keltıruge mındettı. Būl oraida memlekettıŋ - jauapty qyzmetkerlerdıŋ salǧyrttyǧynan 45 myŋ halyq üilerın tastap, bosyp kettı. Densaulyqtaryna da, jeke mülıkterıne de orasan zor ziian keldı. Endı sonyŋ bärınıŋ de öteuı bolu kerek. Jäne bır emes, 4 ret osyndai oqiǧa bolǧandyqtan, odan bölek, josparly, zalalsyzdandyru maqsatynda jiı bolyp tūratyn jarylystar da belgılı bır mölşerde halyqqa moraldyq, psihologiialyq, materialdyq şyǧyn keltıretının eskeruımız kerek. "Är jarylys bolǧan saiyn jüregımız suyldap, balalarymyz "soǧys bastaldy, apa, qaşaiyq..." deidı, jarylystan jer sılkınısı bolady, üilerdıŋ terezelerı syqyrlap, liustralar teŋseledı, är jarylys bolǧan saiyn üiımızdıŋ qabyrǧalaryna jaryq syzyq tüsedı..." deidı. Iаǧni, "o bastan üiıŋ samannan salynǧan, sapasyz salynǧan" dep syltauratpai, halqyna 21 ǧasyrǧa sai üi salyp beru bilıktıŋ mındetı. Halyq qaibır jetıskennen salady saman üidı? Joqtyqtan salady. Al halyqtyŋ 30 jyl boiy eŋsesın kötere almai, joqşylyqqa duşar boluyna eŋ aldymen kım kınälı? Jauaby belgılı... Sondyqtan halyq aldynda bilık öz qatelıgın özı tüzetuge tiıstı.
Säule ÄBILDAHANQYZY
"Adyrna" ūlttyq portaly
