Qazaqstan üstel tennisı federasiiasynyŋ ökılderı qazaqstandyq sportşy Kirill Gerasimenkoǧa Astanadan ekı bölmelı päter syilady. Būl turaly Üstel tennis federasiiasy mälımdedı, dep habarlaidy ”Adyrna” ūlttyq portaly.
Federasiianyŋ mälımetınşe, sportşy Parij Olimpiadasyndaǧy jarqyn jäne tabysty önerı üşın qūrmetke bölendı. Kirill Gerasimenko üstel tennisınen erler arasyndaǧy jekelei synda toǧyzynşy oryn alǧan.
Qazaqstandyq tennisşıler būryn mūndai joǧary nätije körsetpegenı de atap ötıldı. Kirill Parijdegı oiynynan keiın älemdık reitingte 46-orynnan 37-orynǧa köterıldı. Qazaqstan üstel tennisı federasiiasynyŋ prezidentı Daniiar Äbılǧazin Gerasimenkony jetıstıgımen qūttyqtap, būl üstel tennisı üşın tarihi oqiǧa ekenın atap
öttı.
«Bükıl turnir boiy Kirill taisalmaityn erık-jıgerın, sözsız şeberlıgın, käsıbilıgın jäne naǧyz mınezın körsettı. Ol qazaqstandyq üstel tennisı şeberlerı älemnıŋ eŋ myqty sportşylarymen bäsekege tüse alatynyn tanytty.
Onyŋ nätijesı Qazaqstan üstel tennisı tarihynda jaŋa paraqty aşty. Bız onyŋ jetıstıkterın maqtan tūtamyz jäne onyŋ eŋbegın baǧalap, marapattaudy ūiǧardyq. Jaqynda jaŋa olimpiadalyq sikl bastalady. Bızdıŋ josparymyz üş lisenziia jeŋıp alu. Erler men äielder arasyndaǧy jekelei synda, sondai-aq erler arasyndaǧy komandalyq jarysta lisenziia ielenudı közdep otyrmyz», - dedı Daniiar Äbılǧazin.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz