Memleket basşysy Qasym-Jomart Toqaev Qorǧanys ministrı Ruslan Jaqsylyqovty qabyldady. Būl turaly bügın Aqorda jariialady, dep habarlaidy “Adyrna” ūlttyq portaly.
Prezidentke vedomstvonyŋ biylǧy bırınşı jartyjyldyqta atqarǧan jūmystary turaly baiandaldy.
Qasym-Jomart Toqaevqa halyqaralyq oqu-jattyǧu jiyndarynyŋ nätijelerı, jauyngerlık daiyndyqqa jaŋa ädıster engızu jönınde mälımet berıldı. Sondai-aq qaruly küşterdıŋ jauyngerlık jäne jūmyldyru äzırlıgıne qatysty būǧan deiın berılgen tapsyrmalardyŋ oryndalu barysy jaiynda
aityldy. Zamanaui qaru-jaraqpen jäne äskeri tehnikalarmen qamtamasyz etu, qorǧanys infraqūrylymyn damytu, äskeri-patriottyq jūmystardy küşeitu mäselelerıne erekşe nazar audaryldy.
Ruslan Jaqsylyqov äskeri qyzmetşıler men zeinetkerlerdı äleumettık tūrǧydan qoldaudy arttyru şaralary turaly aitty.
Kezdesu soŋynda Joǧarǧy Bas qolbasşy Qorǧanys ministrıne Qazaqstan Respublikasy Qaruly Küşterınıŋ äleuetın odan ärı damytuǧa baǧyttalǧan bırqatar tapsyrma berdı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz