Abai oblystyq polisiia departamentınıŋ köşı-qon qyzmetınıŋ basşysy Gülvira Dönenbaeva men Abai audanynyŋ inspektory para alǧany üşın sottaldy. Būl turaly QR Sybailas jemqorlyqqa qarsy ıs-qimyl agenttıgı jariialady, dep habarlaidy “Adyrna” ūlttyq portaly.
«8 tamyzda Semei qalasynyŋ №2 sotymen Abai oblysynyŋ PD köşı - qon qyzmetı basqarmasynyŋ bastyǧy G. Dönenbaevaǧa, osy basqarmanyŋ erekşe tapsyrmalar jönındegı aǧa inspektory R. Sadyqovqa jäne Semei q. PB köşı-qon qyzmetı bölımınıŋ inspektory A. Nūrahmetovaǧa qatysty ükım jariialandy», - delıngen habarlamada.
Köşı-qon qyzmetınıŋ basşysy Dönenbaeva inspektor Sadyqov arqyly Nūrahmetovany taǧaiyndau üşın 1 myŋ dollar audarǧan.
Aqparatqa säikes, Dönenbaeva 4 jyl, Nūrahmetova 3 jyl, Sadyqov 3 jyl 6 aiǧa bas bostandyǧynan aiyryldy.
«Sonymen bırge sottalǧandar arnauly ataqtarynan jäne memlekettık qyzmette jäne kvazimemlekettık sektorda lauazymdardy atqaru qūqyǧynan aiyrylady», - dep tolyqtyrdy korroziiaǧa qarsy qyzmet.
Aita keteiık, Dönenbaeva bırneşe jyl būryn jelı qoldanuşylary synǧa alǧan erekşe şaş ülgısımen körıngennen keiın köpşılıkke tanymal bolǧan.