El ışınde qalaaralyq kölık qūraly bolǧan Alphard-tan qauıp seiılmei tūr. Ülken jolda jol-kölık apaty bolyp, Alphard “ajal kölıgıne” ainalǧan.
Keşe, 17 tamyz künı Jambyl oblysynda jantürşıgerlık apat boldy.
“2024 jylǧy 17 tamyzda saǧat 1.00 şamasynda «Merkı-Şu-Burylbaital» respublikalyq tas jolynyŋ 40-şaqyrymynda auyr jol-kölık oqiǧasy boldy. Toyota Alphard kölıgınıŋ jürgızuşısı qarsy jolaqqa şyǧyp ketıp, polisiia patruldık polisiiasynyŋ Skoda Octavia kölıgımen soqtyǧysqan. Oqiǧa saldarynan qyzmettık kölıkte bolǧan jäne jol qauıpsızdıgın qamtamasyz etıp, tas joldy küzetıp jürgen ekı patruldık polisei oqiǧa ornynda qaza tapty. Qaitys bolǧan poliseilerdıŋ bırı 11 balasy bar äke. Toyota Alphard kölıgınde segız jolauşy bolǧan. Olardyŋ törteuı oqiǧa ornynda köz jūmdy, jürgızuşı men qalǧan üş jolauşy ärtürlı auyrlyqtaǧy jaraqattarmen ortalyq audandyq auruhanaǧa jatqyzyldy”, - dep habarlady Jambyl oblysy IID baspasöz qyzmetı.“Ajal aityp kelmeidı” desek te Alphard apaty jürgızuşılerdıŋ jol üstınde ūiyqtap ketuı, qarsy jolaqqa şyǧuy, qatty jyldamdyqpen jüruınen tuyndap otyr. Jyl saiyn būl statistika da ösıp jatyr. QazTAG redaksiiasynyŋ mälımetınşe Alphard-pen bolǧan jol-kölık apaty jiılegen. 2020 jyldyŋ aqpan aiynda Samara-Şymkent tas jolynda Toyota Alphard kölıgı apatqa ūşyrap, ekı adam oqiǧa ornynda tıl tartpai ketken. Odan bölek, taǧy ekı adam zardap şektı. Sol jyly tamyz aiynda Aqtau-Jaŋaözen tas jolynda da Toyota Alphard kölıgınıŋ qatysuymen bolǧan jol-kölık oqiǧasynan tört adam qaza tapty. 2021 jyldyŋ mamyrynda jüktı äielı bar jedel järdem kölıgı Toyota Alphard kölıgımen soqtyǧysqan. Al 2022 jyldyŋ aqpan aiynda Alphard Oral-Atyrau tas jolynda audarylyp, bır adam qaza tapqan. Al ekınşısı auruhanaǧa jatqyzyldy. 2022 jyldyŋ köktemınde Samara-Şymkent tas jolynda Toyota Alphard kölıgınıŋ qatysuymen bolǧan jol apatynan jetı adam zardap şektı. Abyroi bolǧanda zardap şekkender bolmaǧan. Artynşa 2022 jyldyŋ mausymynda Jetısu oblysynda Toyota Alphard kölıgınıŋ qatysuymen bolǧan jol-kölık oqiǧasy saldarynan ekı adam qaza tauyp, segız adam auruhanaǧa jatqyzyldy. Bır aidan soŋ Aqtöbe oblysyndaǧy tas jolda Toyota Alphard kölıgı basyp ozyp, jol-kölık oqiǧasy boldy. Saldarynan oqiǧa ornynda 7 adam qaza tapty. 2022 jylǧy qazanda Jambyl oblysynda Toyota Alphard kölıgı men avtobustyŋ qatysuymen bolǧan jol-kölık oqiǧasy saldarynan bır adam qaza tauyp, üş adam jaraqat aldy. Sol aida Pavlodar oblysynda da Toyota Alphard kölıgınıŋ qatysuymen jol apaty bolyp, bır zeinetker qaitys boldy. 2023 jylǧy aqpanda Batys Qazaqstan oblysynda tas joldyŋ boiynda Toyota Alphard kölıgınıŋ qatysuymen bolǧan jol apatynan ekı adam qaza tapqan. Al Samara-Şymkent tas jolynda Toyota Alphard kölıgınıŋ qatysuymen bolǧan jol-kölık oqiǧasy saldarynan ekı adam qaza tauyp, bes adam zardap şektı. 2023 jyldyŋ mamyr aiynda Soltüstık Qazaqstan oblysynda apat boldy. Tas jolda Toyota Alphard kölıgınıŋ soqtyǧysuy saldarynan bes adam zardap şektı, bır adam qaza tapty. 2023 jyldyŋ mausymy – Qostanai oblysynda Toyota Alphard kölıgınıŋ qatysuymen bolǧan jol apatynan äkelı-balaly ekı adam qaitys boldy. 2023 jyldyŋ şıldesınde apat Qostanai – Saryköl tas jolynda boldy. Toyota Alphard kölıgınıŋ qatysuymen bolǧan jol-kölık oqiǧasy saldarynan ekı jürgızuşı qaitys boldy; Köpşılık üşın “apat joly” atanǧan Samara-Şymkent tas jolynda 2023 jyldyŋ şılde aiynda Toyota Alphard kölıgınıŋ qatysuymen bır adam ölımıne äkelgen apat boldy. 2023 jyldyŋ tamyzy. Qaraǧandy-Balqaş tas jolynda Toyota Alphard kölıgınıŋ qatysuymen bolǧan jol apatynyŋ saldarynan 13 adam zardap şektı. Eşkım qaza tapqan joq. 2023 jylǧy tamyzda Şymkent – Samara tas jolynda Toyota Alphard kölıgı audarylyp qaldy. Al Qostanai oblysyndaǧy tas jolda Toyota Alphard kölıgınıŋ soqtyǧysuy saldarynan jolauşy tırıdei janyp kettı. 2023 jyldyŋ qaraşa aiynda Taraz qalasynda jol boiynda otyrǧan er adamdy Toyota Alphard qaǧyp kettı. Er adam qaza tauyp, jürgızuşı oqiǧa ornynan qaşyp ketken. 2023 jylǧy jeltoqsan – Aqtöbe oblysynda Toyota Alphard jük kölıgımen soqtyǧysqan jol apatynan ekı oquşy köz jūmdy. 2023 jylǧy aqpan - «QazAvtoJol» kompaniiasynyŋ qyzmetkerı Qyzylorda oblysynda qyzmettık mındetterın atqaru kezınde qaitys boldy. Jol apatyna kınälı dep Toyota Alphard kölıgın tızgındegen jürgızuşı tanyldy. Al 2024 jyldyŋ mausymy – Aqtöbede Toyota Alphard kölıgınıŋ qatysuymen bolǧan jol-kölık oqiǧasynan tört adam qaza tauyp, bıreuı auruhanaǧa jatqyzylǧan. Alphard kölıgınıŋ qatysuymen soŋǧy apat 17 tamyzda tırkeldı. Saldarynan alty adam ajal qūşty. Onyŋ ekeuı polisiia qyzmetkerlerı. Marqūm bolǧan bır er adamnyŋ artynda 11 balasy qaldy. Aqtöbede 7 mausymda bolǧan Alphard apatynan soŋ ministrlık mälımdeme jasaǧan.
«Osy maqsatta kün saiyn trassalarda şamamen 1,5 myŋ patruldık polisei qyzmet etedı. Ekipajdar 50 şaqyrym saiyn ornalastyrylǧan. Jürgızuşıler köbınese jol erejelerın elemeidı. Jyldamdyq rejimın saqtamaidy. Qarsy jolǧa şyǧyp ketıp jatady. Mysaly 5 mausymda Aqtöbe oblysynda Toyota Alphard avtokölıgınıŋ jürgızuşısı ruldı basqara almai, audarylyp kettı. Apatqa deiın ony polisiia qyzmetkerlerı toqtatyp, jol erejesın saqtau turaly eskertken bolatyn. Oqiǧa saldarynan tört adam qaza tapty. Jürgızuşılerdı taǧy da jolda saq boluǧa şaqyramyn!»—dedı ol.
2023 jyly jyly Qazaqstan aumaǧynda 15 myŋnan astam jol-kölık oqiǧasy tırkeldı. Kölık apaty kezınde 5 myŋ azamat qaza tauyp, 19 myŋnan astam adam jaraqat aldy.
Qazaqstandyqtar tün ışınde jyldamdyqty qatty asyryp, jol erejesın saqtamaityn jürgızuşılerge jazany qataŋdatudy sūraidy. Al Alphard jürgızuşılerınıŋ ūiqysy kelıp, kölıktı tızgındep, tas jolda qūiyndai jüitkeitınıne de narazy bolyp, şara qoldanuǧa şaqyruda.Ūqsas jaŋalyqtar
