Jetısu oblysynyŋ poliseilerı kämeletke tolmaǧan balany ütıkpen küidırgen degen aqparatqa pıkır bıldırdı, dep habarlaidy “Adyrna” ūlttyq portaly.
BAQ-ta Taldyqorǧan qalasyndaǧy kämeletke tolmaǧandardy beiımdeu ortalyǧynda balany ütıkpen küidırgen degen aqparatqa tarady.
Aqparatty alǧaş bolyp oblystyq mäslihat deputaty Ermek Egınbaev Instagram-daǧy paraqşasynda jariialaǧan. Onda Taldyqorǧandaǧy kämeletke tolmaǧandardy beiımdeu ortalyǧynda jas büldırşındı ütıkpen küidırgenı turaly jazba jariialandy. Artynşa deputat jaraqat aldy degen balanyŋ äpkesımen bırge osy oŋaltu ortalyǧynda bır ai jatqanyn bıldı. Ortalyqtaǧy balalardyŋ anasy jaqynda qaitys bolǧan.
NUR.KZ portalynyŋ mälımetınşe, polisiiaǧa Taldyqorǧan qalasyndaǧy kämeletke tolmaǧandardy beiımdeu ortalyǧynda kämeletke tolmaǧan balaǧa qatygezdık körsetu oqiǧasy boluy mümkın ekenı turaly habarlama tüsken. Polisiia mekeme qyzmetkerlerınıŋ zorlyq-zombylyq äreketterınen 7 jasar balanyŋ denesınen küiık anyqtaǧanyn mälımdedı.
“Qazırgı uaqytta atalǧan fakt boiynşa qylmystyq ıs qozǧalyp, bastapqy tergeu şaralary jürgızılıp, ortalyq qyzmetkerlerınen tüsınıktemeler alyndy. Mekeme basşylyǧy balany küiık şalǧan oqiǧanyŋ 2024 jyldyŋ 24 şıldesınde jazataiym bolǧanyn alǧa tartady. Alaida, taǧylǧan aiyptyŋ auyrlyǧyn eskere otyryp, polisiia bölımı qosymşa saraptamalar, sonyŋ ışınde sot-medisinalyq saraptama taǧaiyndady. Kuägerlerden, onyŋ ışınde ortalyq qyzmetkerlerı men tärbielenuşılerınen jauap alynyp jatyr", - delıngen oblystyq PD taratqan habarlamada.
Ūqsas jaŋalyqtar
