TARAZ TURİZMNIŊ ORTALYǦYNA AINALMAQ

Turizm salasyn damytu boiynşa atqarylyp jatqan keşendı jūmystardyŋ nätijesınde oblysta turister legınıŋ ösu dinamikasy baiqalyp otyr. Būl turaly Öŋırlık kommunikasiialar qyzmetınıŋ alaŋynda ötken baspasöz konferensiiasynda oblystyq turizm basqarmasynyŋ basşysy Qarlyǧaş Aralbekova mälımdedı. Basqarma basşysynyŋ aituynşa, osy jyldyŋ qaŋtar-nauryz qorytyndylary boiynşa oblysta keluşılerdı ornalastyrumen şūǧyldanatyn ornalastyru oryndarynyŋ sany 181 bırlıktı qūraǧan. – Naqtyraq aitsaq, ondaǧy ornalastyru oryndary sany 2005 bölme bolsa, bırjolǧy syiymdylyq 3872 tösek-oryndy qūraidy. Olarmen 30984 adamǧa qyzmet ūsynylyp, qyzmet körsetılgen keluşılerdıŋ sany ötken jylǧy tiıstı kezeŋmen salystyrǧanda eseptı kezeŋde 21,4%-ǧa artty.        Eseptı kezeŋde ornalastyru oryndarynda 261759 myŋ teŋge somasyna qyzmet körsetıldı. 2019 jylǧy qaŋtar-nauryz qorytyndylary boiynşa rezident emes keluşılerdiŋ sany 17,9%-ǧa artty. Mäselen 2018 jyldyŋ qaŋtar-nauryz ailarynda keluşıler 750 bolsa, al biylǧy jyldyŋ däl osy ailayrnda 884 adamǧa jettı. Statistikalyq mälımetterge säikes 2019 jyldyŋ qaŋtar-mausym ailary aralyǧyndaǧy (6 ai) turizm salasy boiynşa negızgı kapitalǧa salynǧan investisiialardyŋ aumaqtyq kölemı – 3 mlrd 521 mln 639 myŋ teŋgenı qūrady, – deidı basqarma basşysy. Qarlyǧaş Ämırqyzynyŋ aituynşa, Jambyl oblysy ekonomikasynyŋ basymdy baǧyttarynyŋ bırı retınde turizm salasynyŋ damuyna erekşe köŋıl bölınıp otyr. Qazırgı taŋda josparlanǧan maqsat pen mındetterge qol jetkızu üşın oblystyŋ oŋ turistık imidjın qalyptastyru jūmystary jürgızılude. Atap aitsaq,  öŋırge turisterdı köptep tartu üşın qajettı infraqūrylymmen qamtamasyz etu jūmystary atqarylyp jatyr. – Jambyl oblysy men onyŋ ortalyǧy Taraz qalasy tarihi öŋır bolǧandyqtan turizmdı damytuǧa qolaily aimaq bolyp sanalady. Naqtyraq aitsaq, oblysta 3 365 tarihi-mädeni mūra eskertkışterı ornalasqan, onyŋ ışınde 2 934 arheologiialyq, 111- tarihi, 97 arhitekturalyq nysan bolyp sanalady.  Ūly Jıbek jolynyŋ boiynda ornalasqan 5 nysan IýNESKO-nıŋ düniejüzılık mūralar tızımıne engen. Mäselen Aqtöbe (Balasaǧūn), Qūlan, Örnek, Aqyrtas jäne Qostöbe qalaşyqtaryna qyzyǧuşylyq joǧary. Sondai-aq «Aqyrtas» sarai keşenı men «Aişa bibı» mavzoleiı Euraziia ekonomikalyq yntymaqtastyq ūiymynyŋ «Erekşe tartymdy turistık nysandar» tızılımıne engızılgen, – deidı ol. Qarlyǧaş Ämırqyzy oblys turzimın damytu üşın jol jürudı jeŋıldetudıŋ maŋyzdy ekenın aitady.  1 mamyrdan  bastap  «Fly Arystan» kompaniiasy «Almaty-Taraz-Almaty» baǧytynda jolauşylarǧa qyzmet körsetetın bolady. Atalǧan baǧyttyŋ aşyluy  ışkı turizm boiynşa keletın turister legın ūlǧaitatyn maŋyzdy faktorlarynyŋ bırı bolyp otyr.