Bügın, 23 tamyzda Jaiyqtyŋ aq şaǧalasy atanǧan belgılı aqyn Aqūştap Baqtygereeva 80 jasqa toldy, dep habarlaidy «Adyrna» tılşısı.
Qazaqstannyŋ eŋbek sıŋırgen qairatkerı, «Alaş» halyqaralyq ädebi syilyǧynyŋ iegerı Batys Qazaqstan oblysy Aqjaiyq audany Aqjaiyq auylynda tuǧan. 1966 jyly Qazaq memlekettık qyzdar pedinstitutynyŋ filologiia fakultetın tämamdaǧan.
Aqyn är jyldary Oral oblystyq «Oral öŋırı», Taldyqorǧan oblystyq «Oktiabr tuy», respublikalyq «Qazaq ädebietı» gazetterınde ädebi qyzmetker, «Qazaqfilm» kinostudiiasynda redaktor, «Jazuşy» baspasynyŋ audarma redaksiiasynda redaktor bolyp jūmys ıstedı.
Tūŋǧyş öleŋder jinaǧy «Örımtal» 1967 jyly jaryq kördı. Aqūştap Baqtygereevanyŋ «Qanyşym – ıŋkärım» (1971), «Senı oilaimyn» (1973), «Aq qanat» (1975), «Baqyt änı» (1978), «Jaiyq qyzy» (1980), «Belokrylaia» (1981), «Aqjeleŋ» (1985), «Sümbıle» (1990) atty kıtaptary basylyp şyqty.
Būǧan deiın ol jurnalisterge bergen sūqbatynda qazaq qyzdarynyŋ ǧasyrǧa sai sauatty boluyn armandaitynyn aitqan edı.
«Qazaq degen ūlttyŋ namysyn qorǧaityn, tarihyn tereŋ bıletın, ūlttyŋ anasy bolatyn därejede, asqan aqyldy bolsa eken deimın. Qazaq qyzyn tärbieleu – älı de menıŋ kökeiımde jürgen ülken mäsele. Jalpy, qazaq qyzyn ūlt bolyp tärbielemesek, bız ūlttyq bolmysymyzdan airylamyz ba dep qorqamyn. Qazır menıŋ jyr jolymdaǧy tört şumaǧymdy qyzdar jatqa aityp jür.
«Bolmau kerek süiudıŋ joly jaŋa,
Qyz ülesı qaşanda bolu Ana.
«Janym» degen jıgıttı jek körmeŋder,
Özı süiu qyzdardyŋ sory ǧana...»
Men osy joldar arqyly körgen-bılgenımdı, qazaqtyŋ äielı keşken närsenı aitqym keledı. Ana bolu, besık terbetu, qoǧamǧa qyzmet jasau, ūltty süiu – mıne osynyŋ bärı az şarua emes. Mahabbat jolynda qyz bala eşqaşan özı süiem dep aitpauy kerek. Qazaq qyzy täkappar, näzık, ör, öte parasatty, özın özgege syilata bıluı kerek. Bälkım, bıreuler mūny ūsaq taqyryp deitın bolar. Joq, barlyq tırşılık äieldıŋ qolynda. Erlerdıŋ baqyty da qyzdardyŋ qolynda. Men qazaqtyŋ dana äielderı tärbielegen ūrpaqpyn. Ūlttyŋ anasy bolu – menıŋ endıgı armanym...»—dedı aqyn.
