Qazaqstan Ortalyq Aziia elderı arasynda alkogol tūtynu boiynşa köş bastap tūr. Alaida el ışınde halyqtyŋ spirttık ışımdıkterge jūmsaityn şyǧyny azaiyp keledı. Būl turaly Ūlttyq statistika biurosy men EnergyProm portalynyŋ derekterıne negızdelgen analitikalyq şoluda aitylǧan, dep habarlaidy «Adyrna» tılşısı shyndyk.kz-ke sılteme jasap.
Keltırılgen mälımetterge säikes, qazaqstandyqtar jylyna jan basyna şaqqanda orta eseppen 5,4 litr alkogol tūtynady. Salystyrmaly türde aitsaq, Reseide būl körsetkış 10 litrden asady, al Belaruste 11,4 litrdı qūraidy.
Zertteu qala men auyl arasyndaǧy aiyrmaşylyqtyŋ aiqyn ekenın körsetedı. Qalalyq jerlerde otbasylar alkogolge orta eseppen 23,2 myŋ teŋge jūmsasa, auyldyq jerlerde būl körsetkış şamamen 16 myŋ teŋge bolǧan. Sarapşylar mūnyŋ bır sebebı retınde «Işımdıksız auyl» jobasynyŋ keŋ taraluyn ataidy. Şolu derekterıne säikes, Qazaqstandaǧy 280-nen astam auyl alkogol satudan erıktı türde bas tartqan.
2025 jyly alkogolge eŋ köp şyǧyn jūmsalǧan öŋırler — Qaraǧandy jäne Pavlodar oblystary. Būl aimaqtarda bır otbasynyŋ şyǧyny 38,1 myŋ teŋgeden bolǧan. Sondai-aq Almatyda būl körsetkış 36,7 myŋ teŋgenı qūrady. Eŋ tömengı körsetkışter Maŋǧystau, Qyzylorda oblystarynda jäne Şymkent qalasynda tırkelgen.
