قازاقستان ورتالىق ازيا ەلدەرى اراسىندا الكوگول تۇتىنۋ بويىنشا كوش باستاپ تۇر. الايدا ەل ىشىندە حالىقتىڭ سپيرتتىك ىشىمدىكتەرگە جۇمسايتىن شىعىنى ازايىپ كەلەدى. بۇل تۋرالى ۇلتتىق ستاتيستيكا بيۋروسى مەن EnergyProm پورتالىنىڭ دەرەكتەرىنە نەگىزدەلگەن اناليتيكالىق شولۋدا ايتىلعان، دەپ حابارلايدى «ادىرنا» ءتىلشىسى shyndyk.kz-كە سىلتەمە جاساپ.
كەلتىرىلگەن مالىمەتتەرگە سايكەس، قازاقستاندىقتار جىلىنا جان باسىنا شاققاندا ورتا ەسەپپەن 5,4 ليتر الكوگول تۇتىنادى. سالىستىرمالى تۇردە ايتساق، رەسەيدە بۇل كورسەتكىش 10 ليتردەن اسادى، ال بەلارۋستە 11,4 ءليتردى قۇرايدى.
زەرتتەۋ قالا مەن اۋىل اراسىنداعى ايىرماشىلىقتىڭ ايقىن ەكەنىن كورسەتەدى. قالالىق جەرلەردە وتباسىلار الكوگولگە ورتا ەسەپپەن 23,2 مىڭ تەڭگە جۇمساسا، اۋىلدىق جەرلەردە بۇل كورسەتكىش شامامەن 16 مىڭ تەڭگە بولعان. ساراپشىلار مۇنىڭ ءبىر سەبەبى رەتىندە «ىشىمدىكسىز اۋىل» جوباسىنىڭ كەڭ تارالۋىن اتايدى. شولۋ دەرەكتەرىنە سايكەس، قازاقستانداعى 280-نەن استام اۋىل الكوگول ساتۋدان ەرىكتى تۇردە باس تارتقان.
2025 جىلى الكوگولگە ەڭ كوپ شىعىن جۇمسالعان وڭىرلەر — قاراعاندى جانە پاۆلودار وبلىستارى. بۇل ايماقتاردا ءبىر وتباسىنىڭ شىعىنى 38,1 مىڭ تەڭگەدەن بولعان. سونداي-اق الماتىدا بۇل كورسەتكىش 36,7 مىڭ تەڭگەنى قۇرادى. ەڭ تومەنگى كورسەتكىشتەر ماڭعىستاۋ، قىزىلوردا وبلىستارىندا جانە شىمكەنت قالاسىندا تىركەلگەن.
