Temırtaudaǧy Qarmet metallurgiialyq zauytynda merdıger ūiymnyŋ ekı qyzmetkerı qaza tapty, - dep habarlaidy "Adyrna" ūlttyq portaly.
Kompaniianyŋ habarlauynşa, 25 tamyzda Temırtaudaǧy "Qarmet" AQ nysanynda LPS-2 (№2 listoprokat sehy) qaiǧyly oqiǧa oryn bolǧan. Taŋǧy saǧat 9:20 şamasynda himiialyq ūstau blogy (HŪB) ǧimaratynyŋ şatyryn bölşekteu jūmystaryn oryndau kezınde tehnika qauıpsızdıgı erejelerın saqtamau saldarynan "Qazmehanomontaj" JŞS merdıgerlık ūiymynyŋ ekı jūmysşysy biıkten qūlap ketken.
Ekı jūmysşy oqiǧa ornynda köz jūmǧan.
"Qarmet" kompaniiasy qaza tapqandardyŋ otbasyna köŋıl aityp, jazataiym oqiǧanyŋ sebepterı men män-jailaryna jan-jaqty tergeu jürgızu üşın arnaiy komissiia qūrylǧanyn habarlaidy.
Qaza tapqan D. İmanǧaliev 19 jasta, Iý.Samoilov 38 jasta bolǧan.
Sonymen qatar, kompaniia önerkäsıptık qauıpsızdıktı küşeituge baǧyt alyp, öz nysandarynda qyzmetkerlerınen de, merdıgerlık ūiymdardyŋ qyzmetkerlerınen de barlyq qauıpsızdık normalary men erejelerın mültıksız saqtaudy talap etpek.
Eske sala ketsek, 2023 jyldyŋ qazan aiynda "ArselorMittal Temırtau" kenışındegı apat eldıŋ tau-ken tarihyndaǧy eŋ ırı apat boldy. Apat bolǧan kezde şahtada 252 adam bolǧan, 208 kenşını qūtqaruşylar jer betıne alyp şyqqan, 46 adam qaza tapqan edı.
Al būǧan deiın 2006 jyly Lenin atyndaǧy şahtada bolǧan apattan 41 kenşı jer astynda qalǧan bolatyn.
Ūqsas jaŋalyqtar
