Erlan Qojasbai: Küres tarihyndaǧy eŋ auqymdy älem chempionatyn ötkızudı josparlap otyrmyz

Küres älemındegı basty sporttyq oqiǧaǧa bır aidan az uaqyt qaldy. 2019 jyldyŋ 14-22 qyrküiek aralyǧynda Qazaqstan elordasynda grek-rim, erkın jäne äielder küresı boiynşa Älem chempionaty ötedı. Nūr Sūltandaǧy turnir Japoniia astanasynda ötetın Tokio-2020 Olimpiadasyna alǧaşqy ırıkteu saiysy bolatyndyǧymen erekşelenedı. Älem chempionatynda Olimpiadalyq oiyndarǧa joldama alu üşın elordalyq «Barys Arena» mūz saraiynda 100 eldıŋ 993 myqty paluany küş synasady. Mūndai auqymdy sporttyq ıs-şara sport qauymdastyǧynda ülken qyzyǧuşylyq tudyrady. Sonymen qatar, chempionatqa 200-ge juyq BAQ ökılderı tırkelıp, janküierler 7000-nan astam biletterdı satyp aldy. Märtebelı meimandar arasynda UFC auyr salmaqtaǧy chempiony Deniel Kormenıŋ, sondai-aq Halyqaralyq Olimpiada komitetınıŋ basşylyǧynyŋ keluı kütılude. Chempionatqa qatysuşylar arasynda da köptegen jūldyzdy sportşylar bar. Erkın küres ökılderı arasynda 97 kelı salmaqtaǧy reseilık «Tank» Abdulraşid Sadulaev pen amerikalyq Kail Snaider arasyndaǧy ymyrasyz beldesuı eŋ köp kütken tartys dep sanauǧa bolady. Sondai-aq, italiialyq Frank Chamizo men amerikandyq paluan Djordan Barrouzdyŋ arasyndaǧy aiqyn qaqtyǧys bolatyny kütılude. Üş dürkın Olimpiada chempiony, grek-rim küresı boiynşa kubalyq Mihain Lopez Nūr-Sūltanǧa Olimpiada joldamasyn jeŋıp alu üşın jäne tört olimpiadalyq altyndy jeŋıp alǧan erler men äielder arasyndaǧy alǧaşqy jäne jalǧyz paluan japondyq Kaori İchoǧa teŋestıru üşın keledı. «Alda jauapty ic-şara, bız oǧan tolyǧymen daiynbyz. Aldymyzda qoiylǧan örşıl maqsat - küres tarihyndaǧy eŋ auqymdy älem chempionatyn ötkızu. Qazaqstandyq baluandarǧa keler bolsaq, bırneşe kün būryn 65 kelı, 86 kelı, 92 kelı jäne 125 kelı salmaqtarynda erkın küres şeberlerı arasynda qorytyndy beldesulerı ötkızıldı. Osy salmaqtarda ekı ümıtkerden boldy. Alaida, ūlttyq qūramasynyŋ bas bapkerı Äset Serıkbaev jäne keŋes-jattyqtyruşy Mairbek Iýsupov basqaratyn jattyqtyruşylar ştabymen ekı jeŋıske jetken, ädıl taŋdau nätijesı boiynşa, älem chempionatynda elımızdıŋ namysyn qorǧaityn ūlttyq qūramanyŋ aqtyq qūramy anyqtaldy. Men batyrlarymyzdy osymen qūttyqtaǧym keledı. Jattyqtyruşylar qūramy özınıŋ joǧary bılıktılıgıne sai, paluandarymyzdy dūrys funksionaldy, fizikalyq jäne moraldyq-psihologiialyq küide älem chempionatyna jetkızuıne ümıt artyp, baluandarymyzdyŋ sapaly jäne ädemı öner körsetetıne senımdımız», - dedı Ūiymdastyru komitetınıŋ töraǧasy Erlan Qojasbai. Aita keteiık, grek-rim, erkın jäne äielder küresınen älem chempionaty Qazaqstan astanasynda 14-22 qyrküiek aralyǧynda ötedı. Biletterdı Kassir.kz, Ticketon.kz jäne Zakazbiletov.kz saittarynan satyp aluǧa bolady. Älem chempionatynyŋ biletterınıŋ qūny 1000 teŋgeden bastalady.