Türkıstan oblysynda 500-ge juyq mūǧalım jalǧan diplommen bılım berıp kelgen. Būl turaly öŋır äkımı Darhan Satybaldy ūstazdardyŋ tamyz keŋesınde aitty, dep habarlaidy «Adyrna» tılşısı.
Ol būl ıske qatysty bırqatar lauazymdy tūlǧa men jauapty qyzmetker qylmystyq jauapkerşılıkke tartylatynyn mälımdedı.
«Tekserude anyqtalǧandai, keibır mūǧalımnıŋ joǧary bılımı turaly diplomy jalǧan bolyp şyǧyp jatyr. Ony Antikor anyqtap jatyr. Qazır 500-ge juyq jalǧan diplom şyǧyp otyr. Sonymen qatar direktor men jūmysşy arasyndaǧy 16 dau Prezident äkımşılıgıne deiın qaralǧan. Qoly las qyzmetkerler bılım salasyn tabys tabu közıne ainaldyrǧan. Būl boiynşa qyzmetkerlerdıŋ üstınen bırneşe qylmystyq ıs qaraldy. Älı de qaralatyn bolady»,—dedı äkım.
