Ädılettı Qazaqstan qūrylyp jatyr - Toqaev

Prezidenttıŋ aituynşa, ötken sessiiada jemıstı jūmys jürgızıldı. Atap aitqanda, Parlamenttıŋ ekınşı sessiiasynda 102 zaŋ qabyldanǧan. Onyŋ ışınde qoǧamdyq baqylauǧa, adam saudasyna qarsy küreske qatysty zaŋdar bar. Sondai-aq ǧylym jäne tehnologiia saiasatyn, jylu energetikasyn, basqa da mäselelerdı retteitın zaŋdar küşıne engen. «Äleumettık salaǧa, äsırese, balalardy qorǧau ısıne airyqşa köŋıl bölındı. Ūlttyq qordan balalardyŋ esepşotyna qarjy audaruǧa qatysty zaŋ qabyldandy. Balalardy qūmar oiynǧa tartqandar äkımşılık zaŋ boiynşa jazaǧa tartylatyn boldy. Kämeletke tolmaǧan balalarǧa zorlyq-zombylyq körsetkenı üşın berıletın jaza qataidy. Balalardyŋ qauıpsızdıgın qamtamasyz etuge, äielder men balalarǧa qatysty qylmystyŋ aldyn aluǧa arnalǧan zaŋ qabyldandy. Qazır köptegen azamattyŋ moinynda bırneşe nesie bar ekenı jasyryn emes. Būl – öte özektı mäsele, qoǧamdyq qater desek te bolady. Sondyqtan osy baǧytta arnaiy zaŋdar qabyldandy. Halyqtyŋ äl-auqatyn jaqsartuǧa septıgı tietın basqa da köptegen şara qolǧa alyndy. Sızder būl jūmyspen tıkelei ainalysyp, halyqpen ärdaiym tyǧyz bailanysta boldyŋyzdar. Mūnyŋ bärı «Halyq ünıne qūlaq asatyn memleket» qaǧidasyn ornyqtyruǧa yqpal etetını sözsı»,, – deidı ol. Sondai-aq, Toqaev Qazaqstan halqy qazır mülde jaŋa saiasi jaǧdaida ömır sürıp jatqanyn aitady. “Soŋǧy 5 jylda auqymdy reformalar jasaldy. Elımızdıŋ saiasi jüiesı tübegeilı özgerdı. Jūrttyŋ sana-sezımınde betbūrys bolyp jatyr. Halyqtyŋ qūqyqtyq mädenietı artyp keledı. Azamattardyŋ boiynda jaŋa ädetter, daǧdylar qalyptasyp, jaŋa qūndylyqtar ornyǧuda. Saiasi jäne qoǧamdyq bolmysymyz, mentalitetımız jäne mädeni kodymyz özgere bastady. Bır sözben aitsaq, Ädılettı Qazaqstan qūrylyp jatyr. Mūnyŋ bärı, eŋ aldymen, halyqtyŋ qalauymen jasaluda. Sondyqtan bız alǧan betımızden qaitpaimyz, baǧytymyzdan taimaimyz. Bügın bız alǧa qoiǧan josparymyzdy pysyqtap, maqsattarymyzdy aiqyndaimyz”, – deidı ol.