"Menıŋ dausym äuret emes". Auǧanstandyq äielder jaŋa zaŋǧa qarsy chellendj bastady

1654
Adyrna.kz Telegram
https://adyrna.kz/content/uploads/2024/09/izobrazhenie_2024-09-04_164306556.png
Taliban engızgen jaŋa zaŋ Auǧanstandyq äielderdıŋ narazylyǧyn tudyrdy. Äielderdıŋ kiınuıne, dauystap söileuıne taǧy da basqa qūqyqtaryna engızılgen şekteuge qarsylyq bıldırgen auǧan äielderı jelıde chellendj bastap, ändetıp narazylyqtaryn aituda, dep habarlaidy "Adyrna" ūlttyq portaly The Guardian basylymyna sıltep. Äielder beinejazbalarynda «Menıŋ dauysym äuret emes», #Menıŋ dauysyma tyiym salynǧan emes jäne «Talibanǧa qarsylyq», "#Talibanǧa jol joq" degen syndy heştegter jazyp qaldyruda. Beinelerdı Auǧanstanda tūratyndar da, öz elınen tys jerde jürgender de tüsırıp jükteude. Auǧanstandyq äielder beinede özderınıŋ eşteŋeden qoryqpaitynyn, ädıletsızdıktı qūptamaityndaryn, äielder qūqyǧynyŋ būzylyp jatqany turaly ändetıp jetkızedı. «Eşqandai komanda, eşqandai jüie jäne eşqandai erkek auǧandyq äieldıŋ auzyn jaba almaidy» deidı videolardyŋ bırındegı Auǧanstandyq äiel. Esterıŋızge sala keteiık, tamyzdyŋ soŋynda Auǧanstan bilıgı äieldıŋ dauysy «äuret» bolyp sanalatyndyqtan jergılıktı äielderge köpşılık aldynda söileuge tyiym salǧan bolatyn. BŪŪ būl tyiymdy synǧa alyp, tälıpter äielderdı qoǧamdyq ömırden yǧystyryp, olardy «ünsız köleŋkege» ainaldyrudy közdep otyr dep ataǧan edı.  
Pıkırler