Parlament Májilisiniń tóraǵasy Erlan Qoshanov otbasyndaǵy erlerdiń tolyq ústemdigin "burmalanǵan ıdeıa" dep atap, otbasydaǵy zorlyq-zombylyq týraly aıtty, dep habarlaıdy «Adyrna» ulttyq portaly.
«Otbasyndaǵy erlerdiń tolyq ústemdigi týraly burmalanǵan ıdeıa ótkenniń enshisinde qalýy kerek. Mektep qabyrǵasynan bastap jas urpaqtyń sanasyna durys qundylyqtardy sińirip, halyq arasynda quqyqtyq mádenıetti qalyptastyrý qajet», - dedi Erlan Qoshanov Ortalyq Azııa elderiniń áıelder dıalogy halyqaralyq konferenııasynda.
Tóraǵa Qoshanov genderlik zorlyq-zombylyqpen kúresý mańyzdy ekenin atap ótti. Bul másele jahandyq sıpatqa ıe - álemdegi árbir úshinshi áıel fızıkalyq nemese jynystyq zorlyq-zombylyqty bastan keshiredi. Álemniń 155 elinde turmystyq zorlyq-zombylyqqa qarsy zań bar.
Májilis basshysynyń aıtýynsha, depýtattar osy saladaǵy zańnamalyq túzetýlerdiń jańa paketin ázirleýge kiristi.
Turmystyq zorlyq-zombylyq úshin qylmystyq jaýapkershilikke tartý josparlanýda. Zań qabyldanǵan jaǵdaıda densaýlyqqa aýyrlyǵy ortasha jáne aýyr zııan keltirgeni úshin bas bostandyǵynan aıyrý qarastyrylyp, bas bostandyǵyn shekteý tolyǵymen alynyp tastalady.
Sondaı-aq «harassment» (suǵanaqtyq) túsinigin engizý josparlanýda. Qoshanov áıelderdiń qýdalaýǵa jıi ushyraı bastaǵanyn, mundaı áreketter úshin jazany da qataıtý kerektigin atap ótti.
«Adyrna» ulttyq portaly
